Popular Bible Verses from GENESE 35

Share

Vadaeni Dirava ese ia hamaoroa, ia gwau, “Lau be Siahu Ibounai Dirava. Natuna momo do oi havaraia, oiemu natuna bona tubuna be do idia momo herea. Bese momo be oi dekena amo do idia vara. Bona haida danu king dagi do idia abia. Aberahamo bona Isako dekenai lau henia tanona be oi danu dekenai do lau henia, bona oiemu bese oiemu murinai idia vara danu, be inai tano do lau henidia.”

Ita lao Betele, unuseni lauegu kerere lalonai lau ia durua bona egu dala ibounai lau ia bamoa Diravana ena boubou patana do lau karaia.”

Ia hamaoroa, ia gwau, “Oiemu ladana be Iakobo, to oiemu ladana do idia gwauraia lou lasi Iakobo. Harihari ia lao hanaihanai, oiemu ladana do idia gwauraia, Israela.” Unai dainai Dirava ese Iakobo ena ladana ia gwauraia Israela, ena anina be “Dirava danu ia goada helulu.”

Unai dainai, Iakobo ese iena orea taudia ibounai dekenai ia hereva, ia gwau, “Idau dirava umui dekenai idia noho gaudia umui negea, umui sibona umui hagoevaia, dabua miro lasi umui karaia.

Dirava ese Iakobo dekenai ia hereva, ia gwau, “Oi toreisi, Betele dekenai oi lao, unuseni oi noho. Unuseni boubou patana ta oi karaia lau Dirava egu. Badina be oiemu kakana Esau dekena amo oi heau neganai, lau Dirava be oi dekenai lau hedinarai.”

To unai neganai ia mase, ia mase noho neganai, iena hereva dokona dekenai mero ena ladana ia atoa Benoni, anina be “Egu lalohisihisi merona.” To gabeai tamana ese mero ena ladana ia atoa Beniamina, ena anina be “Lauegu imana idibana merona.”