Popular Bible Verses from Hechos 2

Share

Pedro inʉmgʉs̈au: —Cuyáguiga inma̱lway to̱jwat mit ninʉ'gutémgʉjʉ mijchat minu'pʉjʉjnat Jesucristu inʉ'jyni'c, pa we'n Dios is̈perdona̱tcajáj nu'pʉjʉn mal inwatcaway, mit je' is̈moygáj Espíritu Santu.

Ayʉ̱́jat isiguia̱tcajau lo que apóstojlat i-ajque's̈caway, mit imunipʉjcʉjʉu, mit je'jat caybʉ'ngau tuwitic mit i-emgada̱jcau ma̱s̈anʉ̱n ni'c inijawigau nat Jesús iguiwajt en ayé últimu cena, mit ora̱tpʉ'ngau.

Mit Espíritu Santu tʉgʉy ijo̱tni'jcat nu'pʉjʉn je'jat, mit chu̱chigau cotspay en jatu'c ajwat as̈am Espíritu Santu igui-ajcotscau.

Mit imaraugau jaran tu'c ruidu jeme minway tsajpni'c, mit ayé ruidu min as̈am tu'c s̈e'm jeme s̈ujpay mʉgʉc, mit imaraubʉ'ngau jaran en ayé tʉjc mam itsʉ̱́ngaj. Mit iguique's̈ta̱jcajau tu'c cosa as̈am jʉn-ádatsic, mit ayé que's̈ as̈am jʉjn iyo'y, mit iguicutomigau cada jayau. Mit Espíritu Santu tʉgʉy ijo̱tni'jcat nu'pʉjʉn je'jat, mit chu̱chigau cotspay en jatu'c ajwat as̈am Espíritu Santu igui-ajcotscau.

Mit cada s̈ʉjw ni-apʉcmujcʉjʉu templuni'c, mit caybʉ'ngau tu'gu itujugujmat, mit i-emgada̱jcau ma̱s̈anʉ̱n ni'c inijawigau nat Jesús iguiwajt en ayé últimu cena. Mit ji'cta̱c ijo̱jtat, mit nepʉn canimʉjninʉjmʉwu. I-oyninʉmgau Dios, mit nu'pʉjʉn jayajwat irespeta̱tcau ayé hermanujat. Mit cada s̈ʉjw el Señor iguisalva̱tcʉs̈ más jayajwat, mit je'jat imutʉgʉygau ayé cupʉcpajyat.

We'n iguinʉm Dios: Yename ijatwa'n últimu s̈ʉjwat, tʉnmoygʉs̈áj tʉn-espíritu nu'pʉjʉn jayajwat, mit inwayna'jat inʉmdacyo'ygáj lo que ʉ̱ tʉnactunʉmgʉs̈ámpay, ya̱wayna'jat i-e'pcáj cosa oymanajcatway as̈am en tu'c cucma', mit na'waywájat cucma̱gáj.

Mit nu'pʉjʉn jeme cupʉjcaway yo'ygau en acuerdu. Mit i-ayo̱wis̈cau ihermanujat, igaguarda̱tcawu neti pa je'jatu. Mit ito'jcau itʉjcat mit we'ney nu'pʉjʉn lo que i-aguepcaway, mit i-acpas̈angau ayé tumi̱n pa nu'pʉjʉn hermanujat nesita̱tijcatway.

Mit nu'pʉjʉn jeme inʉ'jutámpay el Señor iyacs̈ta'cway, nisalva̱jtʉ́j. We'n iguinʉjm Dios.

S̈ʉwáy cuchitimiyáj, mit po'wáy que's̈áj as̈am nipin, antes imi'nwa'n ayé s̈ʉjw ijuzga̱twa'n el Señor, mit nu'pʉjʉn jayajwat i-e'pcáj ayé s̈ʉjw mʉjo'cway.