Popular Bible Verses from Hechos 1

Share

Po Dios is̈acmingajáj Espíritu Santu mit wejpu'n impʉctsougáj poder. Mit inyʉmdacyo'ygáj pa jayajwat ma tʉs̈cupʉjcac. Mit inyʉmdacyo'ygáj Jerusalén, mit nu'pʉjʉn Judeajway na̱s̈, mit Samariajway na̱s̈, mit hasta mam icucʉs̈inu ayʉ̱́j mundu.

Mit Jesús ipo'ngʉs̈: —Ca-itp ti is̈jawigawa'n ti tiempu o ti s̈ʉjw ijatwa'n we'n, ni'c Dios Nate̱jat iwatáj hasta je' iguiwa'nwa'n.

Cuandu itsʉ̱́naj Jesús mit i-apóstojlat, imanda̱tcʉs̈ magapichinga en ayé mʉjway nʉ'jcopac Jerusalén, mit inʉmgʉs̈au: —Atsʉ̱́nga hasta Dios Nate̱jat iguicumplia̱twa'n lo que iprometia̱tway, as̈am tʉnʉmgʉ́s̈aj. Ni'c iyacs̈ta'cway Juan nʉ'gutem mit nʉ', po cajegáj Dios is̈moygáj Espíritu Santu.

Cʉs̈ i-o'jc cunu̱s̈ni'c, Jesús jutucta̱cwatu mit cʉs̈ ique's̈ta̱jcʉs̈au i-apóstojlat por cuarenta s̈ʉjwat. Iwat we'n pa ma jawiga ni'c iyacs̈ta'cway ijutucta̱jc, mit inʉmgʉs̈au nat imanda̱twa'n Dios.

Mit cʉs̈ iguinʉmgʉ́s̈aj ayʉ̱́j cosajat, Dios imunʉcs̈nuw Jesús pa tsajpni'c, mit je'jat i-is̈cau inʉjcs̈. Mit Jesús iguicutuc tu'c wintuc, mit ayé apóstojlat i-is̈togoygau.

Mit je'jat yuc-e'pcau pa yucm mam icu't Jesús, mit cʉs̈ que's̈ta̱jcau jaran mechc jayajwat mam je'jat itsʉ̱nga, mit ayé mechc jayajwat cutigatsijcat mit po'pjamuc. Ayʉ̱́jat iguinʉmgajau: —Jayajwat Galileajatway, ¿tini'c inyuc-e'pca pa yucm? Ayé nije'yu Jesús in-is̈cau inʉjcs̈ pa tsajpni'c, mit as̈am is̈-ís̈caj inʉjcs̈ pa tsajpni'c, wename imi'nwa'natu.