Popular Bible Verses from San Mateo 24

Share

Mit may jayajwat caniwangʉjʉ̱́j ni'c mayo'c mal i-itwa'n. Po jeme imajmo'ámpay hasta icʉs̈pʉ'nwa'n nu'pʉjʉn jeme jatámpay, ayé nisalva̱jtʉ̱́j.

Mit inʉmdacyo'ygáj jʉmgapa'tu ayʉ̱́j oyway noticia ni'c Dios manda̱táj, pa we'n ijawigáj nu'pʉjʉn jayajwat en ayʉ̱́j mundu mit wejpu'n cʉs̈pʉ'náj nu'pʉjʉn.

Mit inmaraugáj ni'c itp tsuguin mit is̈nʉmgajáj ni'c itámnaj más tsuguin, po campʉ̱tcawit ni'c itp ti ijatwa'n wenamé, po canije' tiempu pa icʉs̈pʉ'nwa'n nu'pʉjʉn.

Ni'c jayajwat en tu'c na̱s̈ imutsuguinwatcáj jayajwat jatu'c na̱s̈atway, mit tsuguinwatcáj rejyat, mit mayo'c jayajwat tu'ngʉjʉ̱́j, itáj yu', mit nas̈áj us̈ jʉmgapa'tu. Mit ijatwa'n wename, ayé ni'c chu̱chipnaj iguitunas̈ca jayajwat.

Cʉs̈áj tsajp mit na̱s̈, po tanáj pa siempre lo que tʉnyʉmpay.

Ni'c mingáj mayo'c we̱tpajyat, mit i-ataynʉmgáj ni'c je'jat Cristu, mit iwe̱jta̱jcáj mayo'c.

’Wejpu'n is̈actunas̈cáj, is̈ago'jcáj mit is̈-angáj nu'pʉjʉn jayajwat ni'c ʉ̱ is̈wangap. Mit jayajwat icuyaguigáj lo que icupʉjcaway, nitraiciona̱tcʉjʉ̱́j mit ni-angʉjʉ̱́j. Mit mingáj mayo'c we̱tpajyat, inʉmgáj ni'c Dios igui-ajyu'tcau, mit iwe̱jta̱jcáj may jayajwat.

Jesús ipo'ngʉs̈: Nicuidá̱tcʉjʉ pi is̈cawe̱jta̱jcac nepʉn.

Jemni'c mijchatey pi tsʉ̱nga prepara̱tic ni'c ʉ̱ jeme tʉjatway jayau tʉmi'náj cuandu is̈cajawigawa'n.

’Tsʉ̱́nga prepara̱tic ni'c ingajawigap ti hora imi'nwa'n el Señor.

’Nepʉn igajawip ti s̈ʉjw ne ti hora icʉs̈pʉ'nwa'n nu'pʉjʉn, ne igajawigap ángejlat tsajpni'cway, solo tʉnte̱t Dios ijawip.

Ni'c mingáj we̱tpajyat inʉmgámpay ni'c je'jat Cristu, mit mingáj we̱tpajyat, inʉmgáj ni'c Dios igui-ajyu'tcau, mit iwatcáj majatway milagrujat mit is̈acnigu-epigʉjʉ̱́j. Mit te oyap, iwe̱jta̱jcájate hasta jeme Dios icupiugʉs̈way.

’Mit as̈am ayé tiempu itsʉ̱naj Noé, wename-ey ijatwa'n cuandu tʉmi'nwa'n ʉ̱ jeme tʉjatway jayau. Ni'c as̈am ayé s̈ʉjwat antes ipatscunas̈ mundu mit nʉ', jayajwat caygau, u̱jcau, mit nicʉ'pa̱tcʉjʉu, mit i-acnicʉ'pa̱tcʉjʉu iquis̈ajyat hasta ayé s̈ʉjw itʉgʉjy Noé barcuni'c. Mit igawatcawu cuenta hasta ipatscunas̈ mundu mit nʉ', mit ayé nʉ' imunʉs̈cʉs̈ nu'pʉjʉn jayajwat. Wename-ey ijatwa'n cuandu tʉmi'nwa'n ʉ̱ jeme tʉjatway jayau, ni'c tʉmi'náj de repente.