Popular Bible Verses from San Mateo 26

Share

Tsʉ̱́nga nijutuc mit orá̱tca pi is̈catenta̱tcac nepʉn. Iyacs̈ta'cway nawamp nas̈watwa'n oy, po nacuerpu nas̈camajyip.

Mit cʉs̈ Jesús inʉmgʉs̈au: —Tu'no'cp tʉnjo̱jt. Tʉs̈jawi hasta oyap tʉ-o'c. Tánga yam, mit tsʉ̱́nga nijutuc mit ʉ̱.

Inʉjcs̈ s̈ʉ̱n pa jʉpm, nijas̈manajcʉu na̱s̈ni'c mit i-ora̱jtau Dios, inʉm: —Padre, te oyap, majyiyac pa tʉgatunas̈ ayʉ̱́j prueba tʉs̈mijnapay. Po caje' as̈am ʉ̱ tʉs̈wa'n, wat as̈am mi̱ is̈wa'n.

Ni'c ayʉ̱́j as̈am tʉnyipin pa ma it tu'c nam acuerdu, mit tʉnyipin pujʉ'gáj pa jayajwat ma tsʉ̱nga perdona̱tic nu'pʉjʉn mal iwatcaway.

Mit meru-ate icáyga, Jesús ipʉc ma̱s̈anʉ̱n, mit cʉs̈ iguibendiciona̱jt, i-emgada̱c, mit imoygʉs̈ ipʉctampajyat, inʉm: —Ʉjʉga, cáyga, ni'c ayʉ̱́j as̈am tʉncuerpu.

Mit iguipʉjc tu'c vasu, inʉjmau Dios ni'ctiyu̱s̈, mit imoygʉs̈, inʉm: —Tu-ú̱jca minu'pʉjʉjnat.

Mit cʉs̈ ipitujc mam itsʉ̱nga ipʉctampajyat, icupa̱tigʉs̈ ni'c ma̱gap, mit inajau Pedro: —¿Cani-oyap intsʉ̱nga nijutuc mit ʉ̱ pa tu'c horajyu?

Mit tʉnʉmgʉs̈ap ni'c jinap pa jʉpm tʉngaja-u'gáj vinu mit mijchat hasta ayé s̈ʉjw cuandu natsʉ̱ngawa'n tuwitic mam imanda̱t tʉnte̱t Dios.

Mit cʉs̈ Pedro inijawiu lo que Jesús iguinʉjmaway: “Antes i-ʉwa'n ca̱yuna', tu̱gup viaje is̈nʉmwa'n ni'c is̈ca-is̈cap.” Mit Pedro ipichijn pe'ta̱m, jʉy mʉgʉc.

Ca's̈ʉ'jca mit janga. E'pca ni'c tomo'ganu imi'n jeme tʉs̈-entrega̱támpay.

Mit Jesús inajau: —Com in-espada i-acni'c. Ni'c nu'pʉjʉn i-actangapay espada, espada itu-o'jcáj.