Popular Bible Verses from San Marcos 16

Share

Mit inʉmgʉs̈au: Nʉ́s̈ca nu'pʉjʉn mundu, nʉmdacyo'yga ayé oyway noticia pa nu'pʉjʉn jayajwat.

Mit jeme tʉs̈cupʉjcapay i-actu-e'pcáj ayʉ̱́j milagrujat: tʉnyʉ'jyni'c i-acpichingáj demo̱nyujat, mit cotscáj nam-auni'jcat. I-actangáj tsanajyat icʉ'ni'jcat, mit te i-u̱jcap tu'c venenu jeme nas̈ago'cpay, iguigawatcajáj neti. Iyajcajáj icʉ'jat iyucuinmat tu'nijatway mit oytangáj.

Pʉmba'tu jeme icupʉgámpay mit jeme ninʉ'gutejmʉ́mpay, nisalva̱jtʉ̱́j. Po pʉmba'tu jeme igacupʉgámpay, togoyáj.

Ipíchingaj je'jat, inʉmdacyo'ygau jʉmba'tu. El Señor imajyigʉs̈ je'jat, mit iwat milagrujat pa jayajwat ma jawga ni'c iyacs̈ta'cway lo que inʉmdacyo'ygapay ayé pʉctampajyat. Yam icʉs̈.

Po je' inʉmgʉs̈au: Camnigu-épigʉjʉ, inche'ngap Jesús Nazaretway jeme iyajcaway cunu̱s̈ni'c. Je' jutucta̱cway. Capʉn yam. E'pca ayé lugar mam iguiyájcaj.

I-e'pnʉ́s̈caj, i-is̈cau ni'c ayé tsa' jeme mʉjo'cway, chi'tiganu itsʉ̱na. Itʉ́gʉygaj á̱nimacʉtni'c, i-is̈cau tu'c ya̱wayna' ni'c tsʉ̱nap i-oyimaylajni'c, mit je' cutigatsic mit tu'c yagatsway jamuc po'pway. Mit je'jat nigu-épigʉjʉu mayo'c.