Popular Bible Verses from San Marcos 9

Share

Jesús inʉjmau: —Te oyap incupʉc. Ni'c te nacupʉcp, oyap nas̈wat nu'pʉjʉn cosa.

Mit cʉs̈ qui'chna' ite̱t ya̱s̈ mʉgʉc, inʉm: —Tʉngupʉcp po majyiyac pa tʉcupʉc más.

Itʉgʉjy Jesús tujugum, igui-ucyo'tcau ipʉctampajyat itu'gujmatu, inʉmgau: —¿Tini'c ʉjtsat ca-oyawu tʉs̈acpíchingaja ayé demo̱nyu? Jesús ipo'ngʉs̈: —Itp ti na-ora̱twa'n mit na-ayuna̱twa'n, ni'c solo we'n oyap nas̈acpichin demo̱nyujat as̈am aye'way.

Oy ayé ca̱n, po te ca̱n cajapa'c, ¿nat igui-ac-o'mpiwa'n cayan? Mit as̈am ayé ca̱n i-oyi, wename-ey oy pi tsʉ̱nga en paz minu'pʉjʉjnat.

—Pʉmba'tu jeme ipʉctsowámpay tu'c qui'chwáy as̈am ayʉ̱́jway ni'c ʉ̱ tʉs̈wamp, casi ʉ̱ tʉs̈pʉctso̱p. Mit jeme tʉs̈pʉctsowámpay ʉ̱, tʉs̈capʉctsowáj ʉ̱jyu, po ipʉctsowámpey Dios jeme tʉs̈ajyu'tway.

Iyacs̈ta'cway tʉnʉmgʉs̈ap ni'c pʉmba'tu jeme is̈moygámpay tu'c vasu nʉ' ni'c mijchat inmutʉgʉygau Cristu, Dios iguitso'gáj.

’Pʉmba'tu i-actuwatámpay mal tu'c de ayʉ̱j jayawájat jeme tʉs̈cupʉjcapay, más oy nacutsúmijya tu'c pa̱wan iyo'cni'c mit naca'tstʉgʉy lama̱tjugum.

Mit te inwijn is̈actuwatp mal, camja-e'p ayé mal as̈am inchi'tpay inwijn. Ni'c más oy intʉgʉywa'n en ayé lugar mam imanda̱t Dios mit tu'gu inwijn que is̈aguepwa'n mechc inwijn pa is̈comgáj jʉngʉtʉm.