Popular Bible Verses from Luk 5

Share

Yêsu bơtho lu đe ei đang boih, na Sư khan kơ Simôn thoi âu: “Bĕ bơ̆n wơ̆r thŏng-nan bơ̆n tơ jrŭ 'biơ̆ wă traih jal.”

Na Simôn khan: “Ơ 'Bok, nhôn măng hei traih ră jal prăt măng hloi, mă-lei 'nhŏ kơ đei minh găr. Dah traih jal kơ'năr rai lŭch mă-lei dang ei yua kơ Ih athei na inh chu Ih mơ̆n.” Truh tơ đak jrŭ boih na bre Simôn păng bôl sư traih hloi, ka puh jal bre sư lơ tơpă, na jal sư mah wă hiah hloi.

Mă-lei hơtai noh Yêsu wă năm krao khan kơ 'Bă Sư 'Bok Kei-Dei tơ anih kueng, na Sư năm hloi.

Inh jur tơ âu ưh kơ sĭ kơ Inh wơ̆n chă lu bơngai 'lơ̆ng wă tơbral kơdih tơdrong yoch ôh. Inh jur tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Na Yêsu khan kơ lu sư: “Lu bơngai mă liĕm akâu ưh kơ kăl kơ 'bok pơgang ôh. Pôm lu bơngai jĭ jăn đĕch kăl kơ 'bok pơgang.

Na lu sư wơ̆r thŏng-nan ei truh tơ jih đak dơsĭ achăng lê̆ dôm tơmam sư ei, na kiơ̆ hloi Yêsu.

Minh năr ei Yêsu năm tơ pơlei đe tơ'bơ̆p minh 'nu bơngai jĭ chin jơ̆p-jang kơ akâu sư. Lăp bơngai ei 'bôh Yêsu na sư drap hloi kơkuh kơ Sư păng apinh Yêsu thoi âu: “Ơ 'Bok, dah Ih wă, Ih gơh pơklaih inh.” Na Yêsu chro hloi ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Yêsu kuă ăn kơ đe băt tơdrong Sư pơklaih bơngai noh hei ră, mă-lei đe kơtơ̆ng ang tơdrong noh jơ̆p-jang hloi. Na đei lơ bơngai năm wă mơ̆ng Sư bơtho păng wă kơ Yêsu pơklaih jĭ jăn lu sư mơ̆n.