Popular Bible Verses from Luk 6

Share

Iĕm athei mơnat, tơgŭm đe, na 'Bok Kei-Dei kư̆m mơnat tơgŭm iĕm mơ̆n. Sư gô tơgŭm iĕm lơ tơpă kư̆m dang lĕ đe ăn đĕch kơ iĕm minh kơ'mŭng 'ba 'bĕnh blai rơkah rơkai. Iĕm tơgŭm đe dang yơ, 'Bok Kei-Dei gô tơgŭm iĕm dang noh mơ̆n.”

Bơngai bu đei jơhngơ̆m đon 'lơ̆ng, sư kư̆m pơm 'lơ̆ng mơ̆n. Bơngai bu đei jơhngơ̆m đon kơnê̆, sư kư̆m pơm kơnê̆ mơ̆n. Lăm jơhngơ̆m đon bơ̆n thoi yơ, bơ̆n kư̆m gô pơma thoi ei.

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Iĕm athei 'mêm mơnat kơ đe kư̆m thoi lĕ 'Bă bơ̆n 'Bok Kei-Dei 'mêm mơnat kơ đe mơ̆n.

“Iĕm 'nĕ bâu roi đe, khan đe bơngai ưh kơ 'lơ̆ng. Dah iĕm jô̆ kơ đe bơngai ưh kơ 'lơ̆ng, kơnh 'Bok Kei-Dei kư̆m jô̆ kơ iĕm bơngai ưh kơ 'lơ̆ng mơ̆n. Iĕm 'nĕ kơ jâu đe, na 'Bok Kei-Dei huay kơ jâu iĕm. Iĕm 'nĕ kơ jô̆ yo kơ đe wă kơ 'Bok Kei-Dei huay kơ jô̆ yo kơ iĕm.

Yêsu oei bơtho lu sư thoi âu: “Na Inh pơma kơ iĕm mă mơ̆ng Inh: Iĕm athei 'mêm mơnat kơ lu bơngai mă pơm kơnê̆ kơ iĕm, pơm 'lơ̆ng kơ lu bơngai mă areh kơ iĕm. Pơma rơngơp kơ lu bơngai mă hiap iĕm, krao khan apinh 'Bok Kei-Dei tơgŭm lu bơngai hil kơ iĕm.

Bơ̆n wă kơ đe pơm 'lơ̆ng kơ bơ̆n dang yơ, bơ̆n athei pơm 'lơ̆ng kơ đe dang ei mơ̆n.

Tơ̆ng đe tap 'bŏ iĕm gah 'ma, iĕm athei ăn hloi gah 'ngiĕo. Tơ̆ng đe iŏk ao iĕm minh blah, iĕm athei ăn hloi 'bar blah. Bu apinh tơmam kiơ đơ̆ng iĕm, iĕm athei asong hloi. Tơ̆ng đe iŏk tơmam iĕm, iĕm 'nĕ pă pơdrĕo.

“'Long 'lơ̆ng ưh kơ layơ pơjing plei kơnê̆. 'Long kơnê̆ ưh kơ layơ pơjing plei 'lơ̆ng.

Lăng plei băt kơ tơm. Bơ̆n ưh kơ lah layơ wă năm phĕ plei hơra khan năm chă tơ tơm 'long jơla. Bơ̆n ưh kơ lah layơ wă năm phĕ plei hơmu khan năm chă tơ tơm 'long bơmrôm.