Popular Bible Verses from Jn 14

Share

“Wu wïyɑ’ mër; bɑ mërɑ ɑ mëggɑ wun, pɑ muuj yi yɑn kɑ muuny-ɑ nyi muuj yi kömi piny. Pëthi wun ko lïngi, o wu ko böggi.

Aløøg møge yi Yëso kinni, “Yɑn ɑ bɑ yöö, geki dyër kí nënnì. Bong ngɑn cuggi bëën yï Wïy, den-ɑ́ kì riɑ.

“Pëthi wun ko lïngi. Yïëyu Jwøk kɑ yɑ yïëy wun thyew.

De ngɑn-ɑ ókunyi, en ɑ Wëykwërø, óör yi Wïy ki nyingɑ, jɑmmì bënn ópwönye wun, o wu ópɑ̈ddi yi en ki møg-ɑ ɑ́köbbɑ wun bënn.

“Tyëng-ɑ óyïëy ciggɑ, kɑ gï mïdhi gen, bɑ gen ɑ mɑɑr yɑn. Tyëng-ɑ mɑɑr yɑn ómɑɑr yi Wïyɑ, ge ómɑɑr yi yɑn thyew, kɑ riɑ nyudhɑ gen.”

O Wïy ókwɑjji yi yɑn, o wu óthödhi yi en ki ngɑn megø, men-ɑ ókøny wun, o óbëëdø kì kelli wun gïti ɑtheer. Ngɑnɑni bɑ Wëy men-ɑ nyodh dyër kì ri Jwøk. Pɑ cuggi kwɑnyø yi kömi piny, mɑ́ e pɑ nenni yi kömi piny, o kwïj yi en. De ree ngɑ̈nyi yi wun, mɑ́ e bëëd ɑ kelli wun, o ying-ɑ pëthi wun.

Gïn-ɑ ókwɑjji yi wun ki nyingɑ, gïnɑni ógwøg yi yɑn, o Wïy yïdde ki dhwɑ̈ng kì ri Wɑ̈d. Keløg e dɑ gïjø me kwɑjji yi wun ki nyingɑ, gïnɑni ógwøg yi yɑn.

“Keløg yɑ mɑɑr yi wun, ciggɑ ómïdhi yi wun.

Gøl Wïyɑ dɑ ud mø ngenyø, o yɑ kedh-ɑ be tyenyi kɑ̈jji wun. Wu pɑ di köbbɑ møgɑni, keløg e pɑth ki kinøw.

O keny-ɑ ókedhɑ kɑ kej wun pyëlɑ, yɑ ódwöög, o wu kɑ̈l yi yɑn, o wu bëëd wun kì keny-ɑ bëëd yi yɑn.

Akööb Tömɑs kinni, “Wuö, kun-ɑ kedhi yi yïn kwïj yi wøn, o yuu-ɑ kedhi kunɑni óngɑ̈nyi yi wøn kidï?”