Popular Bible Verses from Jn 15

Share

“Yɑ bɑ oløg, o wu bɑ bɑ̈dd. Ngɑn bëëdø kì riɑ, kɑ yɑ obëëdø kì ree, ókɑ̈ni ki nywøl mø ngenyø, mɑ́ keløg wu pɑ ying riɑ bong gïn cuggi gwøgø yi wun.

Bëëd wun kì riɑ, ni kɑ̀ bëëdɑ kì ri wun. Bɑɑd oløg dhɑ̈li kɑ̈nø ki nywøl kete, keløg e pɑ bëëdø kì ri oløg. Nɑ menɑni ceth, wu dhɑ̈li kɑ̈nø ki nywøl, keløg wu pɑ bëëdø kì riɑ.

Keløg wu óbëëdø kì riɑ, kɑ kwøbbɑ obëëdø kì pëthi wun, wu ókwɑ̈jjø ki gïn-ɑ dwɑddi yi wun, kɑ gïnɑni yod yi wun.

Yɑ nuti myeg-ɑ yi wun, dɑ́ yɑn ɑ ɑ́myeg wun. Kɑ wu cïbɑ kɑ̈jji wun, o wu kedhu be yïddø ki gïg nywøl yi gwøøg wun, o gïg-ɑ nywøl yi gwøøg wun óbëëd gen ki keny me bɑ̈ɑ̈r, kipe kinni o gïn-ɑ ókwɑjji yi wun kì yï Wïyɑ ki nyingɑ, ómëggi wun yi en.

Ngɑn muuj wëye kipe mɑ̈dhhe, bong ngɑn lodii ki mɑ̈ɑ̈dø.

Bɑ̈ddɑ møg-ɑ pɑ nyi kɑ̈ni ki nywøl bënn, nyi ngule’ wɑ̈g, o bɑ̈dd-ɑ nyi kɑ̈ni ki nywøl nyi tebe tebø, o ge kɑ̈ni gen ki nywøl mø ngenyø.

Ciggɑ bɑ kinni, mɑɑru ri wun ni kɑ̀ mɑɑrɑ wun.

Mɑ̈ɑ̈r Wïyɑ ólidh-ɑ keny-ɑ ókɑ̈ni wun ki nywøl mø ngenyø, o wu göög wun ki jøbɑngɑ ki yuu-ɑ ni menɑni.

“Yɑ bene oløng-ɑ dyër, o Wïyɑ ɑ bɑ wïi bɑg.

Ngɑn pɑ bëëdø kì riɑ, ngɑnɑni óweddi ni bɑɑd oløg kɑ othwøwø. Bɑ̈dd-ɑ ni møgɑni nyi ceg kɑ gwenø, kɑ ge leeng mɑc, kɑ ge órɑ̈bbø.

“Møgɑni ɑ́köbbɑ wun kɑ per kinni o medi pyëwɑ bëëde kì pëthi wun, o medi pëthi wun bëëd e bong gïn tøøk kì ree.

Keløg ciggɑ ómïdhi yi wun, wu óbëëdø kì yij mɑ̈ɑ̈dø miɑ, ni kɑ̀ mïdhɑ ciggi Wïyɑ, o yɑ obëëdø kì yij mɑ̈ɑ̈dø mee.

Kɑ̀ bëëde kinøw, bene møg-ɑ cïgɑ wun ek: mɑɑru ri wun.

Keløg wu di bëëd wun-ɑ́ mø kömi piny, wu di mɑɑr yi kömi piny, mɑ́ wu bɑ møge. De wu ɑ́myeg yi yɑn ɑ kömi piny, o wu pɑth ki møge, bene ɑ bɑnge mɑɑn wun yi kömi piny.