Popular Bible Verses from Piilimka 28

Share

M bo le fu kama ate jigi meena ate fi a cheŋ la, m le nya fi zuk, ate m ŋman ta fu a jam tɛŋka de po. M kan basi fu, ka m nin nye m le puulim fu diila.>>

Naawen yaa bo wenzuk a weeni ayen, <<Mi ka Naawen, fi kowa Abrayam Wenni ale Aizik Wenni. M le pai tɛŋ kaai ate fi doa ka zuk la a te fu ale fi ŋaaŋbisaŋa.

Jekob ale yiti wa goomu po la, wa yaa poli ayen, <<Chekki Naawen a bo dela jigini kama alege mi a zɛ.>>

Ate Jekob yaa nye pɛka ayen, <<Ase Wen a dan bo ale mu a nya m zuk a ta va chaab ale m nyeerimu de po, a te mu ŋandiinta ate mi a dɛ ale a te mu kɔlima ate mi a jɔ, ate mi a ŋman pilim jam m kowa yenni ale nyiŋyɔgsa, Naawen ale chim mi Wen ate buntanni de ate mi a ti zaani ase zaŋi la, ale chim Wen yeri, ate fi ale a te mi jaabuuri meena la, m le te ku piika po ku bunyiwa.>>

Fi ŋaaŋbisaŋa ale nye ase ka tɛŋka tantaŋa la, ate ni ale teeri a nyini yeniŋka a ga paari konni po, a ŋman nyini wiiluk a ga paari yeseoku po. Fi ale fi ŋaaŋbisa nyiŋ, nuruba meena ale bo tɛŋka po la ale nya niaka.

Wa te jigini yuei ayen Betel, alege ba jam a wi tɛŋ kala ayen ka Luz.