Popular Bible Verses from Ɨ̀fàʼì 2

Share

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Əghɨ ə mɔʼɔ ə nyaʼa sàʼ kùm rɨkaŋ ɨghabɨ əfim ə nɨə chèə̀. Zɨə nyaʼa wò swi nəb jìm ze nɨ mbɨ nyaʼa chub ɨŋga. Mbɨ nyaʼa zə ɨghɨ mɔʼɔ nɨ nyaʼa ɨghabɨ tɨnemɨ ɨwid nɨ nyaʼa wo ghàpɨ̀ chub ɨgun ə wə̀d mɔʼ mɔʼ rəbɔʼ mɨ̀mə̌d. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m. Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ŋwìə̀ ə ghà ni, ɨŋga ɨni mbe nɨ sɨ nwìə̀, mə bɨrɨ cha mɨ Əzwî ɨgun ə bə̂d mɨjìm. Mbə bɔn mbaŋə̀ mbɨ mbə bɔn məyi bɨrɨ gha mɨ ɨkə̂n. Mbə ɨjɔŋ bɨrɨ zə tɨ̀taanɨ njə̀m. Njə̀m bɨrɨ chè tə mbaŋə̀ te nɨ fə nunə.

Bə̂d mɨ̀jìm mbe nɨ nyaʼa ben ə Kristo nyaʼa chub ənɨ ənû ə mɔʼ. Mbɨ nyaʼa bə̀ berɨ mbə ɨghɨ ənɨ mbɨ mɔʼ. Ɨ mbɨə nyaʼə fèndɨ̀ mbə ɨsɨ si bə̀ fèndɨ̀ ɨghɨ mbe nɨ mbɨ nyaʼa berɨ wò ghàpɨ̀ ɨkab we əmbɨ ə wə̀d jìm ɨchî nɨ wə̀d mɔʼ mɔʼ nyaʼa kəbɨ.

Ɨgwɨ əni ze, wə̀d mɔʼɔ we nɨ tɔŋ ɨkum Ə̀nùŋɨ̀sɨg bɨrɨ jwɨ̀ rəŋgəʼ.

Nyùmə̀ bɨrɨ beŋ sɨə finə, ɨmɨg bə̀ beŋ sɨə bàŋ ɨghabɨ ənəm, bɔŋ əni ze nɨ Ə̀nùŋɨ̀sɨg bɨrɨ wɨrɨ yeʼe, nɨ yeʼ əni ə kyeŋ ze nɨ che ɨni jìm.