Popular Bible Verses from Lk 4

Share

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d, bə̀ saʼ ni nyùmə̀ fə kùʼi nɨ Ə̀nùŋɨ̀sɨg bɨrɨ ghɨ ɨ̀chɔ̀m ənɨ ə bə̂d.”

Yeso nyaʼa wììrɨ̀ ɨ bɔ ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwiə̀, bə̀ fàʼ àmei ɨ bɔ.'”

Yeso nyaʼa wììrɨ̀ ɨ bɔ ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Ka wə̀d wɨə chub i ɨkǎ àmei ɨmbə̀ʼ ŋgə̀ŋ.'”

Əzwî ə Zeŋɨ ə nyaʼa swi ɨŋga Yeso, əne wɨ̀ nyaʼa bə̀ndɨ̀ rɨ ɨgyɨ̂ Jodàn. Əzwî ze ə nyaʼa nɨŋ əməd

Yeso nyaʼa wììrɨ̀ ɨ bɔ ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Tɨrə̀ numbɨ e Ə̀nùŋɨ̀sɨg e Ŋwìə̀.'”

Ənɨ Debɨ̀rə̀ we nyaʼa maanɨ nɨ numbɨ ə Yeso, wɨ̀ nyaʼa sàŋ əməd nɔ̀ʼ wò i. Wɨ̀ nyaʼa wo chubɨ pè ənɨ wɨ̀ bɨrɨ wɨrɨ berɨ əpan ə cherə.

Debɨ̀rə̀ we nyaʼa nɨŋ əməd mbɨ kɔʼ wò ɨkaŋ əsɨ ə mɔʼɔ. Wɨ̀ nyaʼa pè nɨŋ akə nyùmə̀ chwi ɨbeŋ jìm ɨgwɨ ɨsɨg ɨ bɔ, ghà ɨ bɔ ni, “Mə bɨrɨ naʼ ɨka ɨ ne ni à tumbɨ ɨbeŋ mbɔ̂ jìm bə̀ jɨg ɨghɨ chɔ̀m jìm mbe nɨ yeʼ ɨŋga. Ŋwìə̀ fə naʼ ɨka jìm ɨ num, əne mə we tɨ̀ mə̀ nàʼ ɨka we əmbɨ wə̀d we nɨ mə ghaʼi. Əne à mɨ wumnɨ əmɨ, mə bɨrɨ naʼ ɨghɨ mbɔ̂ jìm ɨ ne.” Yeso nyaʼa wììrɨ̀ ɨ bɔ ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwiə̀, bə̀ fàʼ àmei ɨ bɔ.'”

Debɨ̀rə̀ we nyaʼa nɨŋ əməd mbɨ wò ə Jèrusalèm. Wɨ̀ nyaʼa pè ghɨ̀ wɨ̀ kɔʼ təm ɨdom mbàn Ŋwìə̀, əne gha ɨ bɔ ni, “Àwɔ̀ mɨ kàŋ yeʼ Wan Ŋwìə̀, à təm əgha tòm ə si. Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Ŋwìə̀ bɨrɨ gha əmbɨ mbi mbɨ̀aŋgɨrə̀ ni mbɨ nəŋgɨ əwe,' fɔrɨ ni, 'Mbɨ bɨrɨ yim əwe ənɨ mbə ɨbɔ, ɨmbə̀ʼ tɨ à nun əwe mbe ɨwu ənɨ ɨti.'” Yeso nyaʼa wììrɨ̀ ɨ bɔ ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Tɨrə̀ numbɨ e Ə̀nùŋɨ̀sɨg e Ŋwìə̀.'”