Popular Bible Verses from Lk 5

Share

Ənɨ wɨ̀ nyaʼa fə ghamɨ màànɨ̀, wɨ̀ nyaʼa ghà əmbɨ Saimòn ni, “Tin əbaŋ zɔ̂ wò əsɨ ze nɨ sa ɨŋga, màʼ te kɨ̀, à bɨrɨ gywɨ əgwi.”

Saimòn nyaʼa wììrɨ̀ ɨ bɔ ni, “Masà, tɨ̀ fàʼ kwàʼ rɨ̀kǎ ɨzimɨ wɔ̂ jìm, àyɨə chəi tɨ̀ gywɨ əghɨ ə mɔʼɔ. Àyɨə ɨchî nɨ à ghǎ əne, mə bɨrɨ màʼ.” Ənɨ mbɨ nyaʼa maʼ kɨ̀ te, mbɨ nyaʼa gywɨ̀ əgwi ə nɔnɔʼ. Ɨchî nɨ kɨ̀ te nyaʼə kə̀b sandə

Yeso nyaʼa kɨə wò ɨŋga ɨbad rɨkwàʼi ɨmbə̀ʼ kɔŋgɨ ə Ŋwiə̀.

Chəi mə̀ yeʼe ɨ tɔŋ bə̂d mbe nɨə ghɨ̀ ɨnû nɨ kuʼnɨ ni mbɨ beŋ tə fîŋ. Mə yeʼe ɨ tɔŋ yeʼ mbe nɨə ghɨ ɨnû rɨbɔ̀ŋ ni mbɨ beŋ tə fîŋ.”

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Yeso nyaʼa wììrɨ̀ əmbɨ mɨ̀mə̌d ni, “Chəi bə̂d mbe nɨ yeʼ ɨkǎ ə kə̀bə̀ wə̀d ɨfuʼ. Bə̂d mbe nɨə kə̀bə̀ wə̀d ɨfuʼ yɨ mbe nɨə wɔ̀nə̀.

Ənɨ mbɨ nyaʼa chɨ ɨbaŋ ɨgyɨ̀ mbe əsaŋ, mbɨ nyaʼa sàŋ ɨghɨjìm beenɨ əbɔʼ Yeso.

Ənɨ Yeso nyaʼa ɨŋga əsɨ ə mɔʼɔ, wə̀d mɔʼɔ nɨ əpabɨ ə nyaʼa swi ɨnyod məd nyaʼa yeʼe. Ənɨ wɨ̀ nyaʼa zə ə Yeso, wɨ̀ nyaʼa gù ɨfě ɨ bɔ, buʼ ɨbɔ ɨ bɔ ghà ni, “Masà, à mɨ ghaʼ, à ghɨ̀ mɨ ɨnyod zeŋ.” Yeso nyaʼa sem əbɔ, betɨ əməd, ghà ni, “Mə ghaʼ nɨ ghɨ̀ əne. Ɨnyod, zeŋ!” Àmei əwu əwən, əpabɨ ze ə nyaʼa mì i.

Àyɨə ɨnû ɨmbə̀ʼ ə Yeso nyaʼa yi jeŋgɨ jàŋ. Mɨnɔ̂n bə̂d nɨ nyaʼa kwàʼ wɨ kyeŋ nyaʼa wò ɨmbə̀ʼ zu ɨnû mbe nɨ wɨ̀ nyaʼə ghàə̀. Wɨ̀ nyaʼa bə̀ wò ɨmbə̀ʼ wɨ̀ vɨ ɨnɔʼɔ mɨ̀mə̌d.