Popular Bible Verses from Lk 6

Share

Mbə̀ naʼ ɨghɨ əmbɨ ə bə̂d, əne Ŋwìə̀ bɨrɨ bɨ naʼ ɨ nən. Ŋwìə̀ bɨrɨ nàʼ ɨ nən chè ɨchî nɨ mbə̀ kə̀ʼ nàʼ. Mbɨ bɨrɨ nyem ɨghɨ mbe ə si, fɔtɨ chìʼrɨ̀, mbɨ swi sɨə gwè ɨŋga əghɨ ə ngywɨ ze nɨ yeʼ ɨŋga te rɨtaʼi, ɨmbə̀ʼ ɨghəm nɨ ɨghɨ ze nɨ mbə̀ mɨg nàʼ əmbɨ ə wə̀d cherə yɨə bə̀ àmei əzɨ əwən ze nɨ mbɨ berɨ bɨ mɨg nàʼ ɨ nən.”

Wə̀d chɔ̀m wɨə dù ɨnû chɔ̀m tɨ ɨŋga i fîŋ ze nɨ swi mbɨ ɨnû chɔ̀m. Wə̀d rɨbɔ̀ŋ wɨə bə̀ dù ɨnû rɨbɔ̀ŋ tɨ ɨŋga i fîŋ ze nɨ swi mbɨ ɨnû rɨbɔ̀ŋ, ɨmbə̀ʼ ɨghəm nɨ ɨchû wɨə ghà yeʼ ɨnû mbe nɨ swi ɨŋga fîŋ.

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Mbə̀ diirɨ bə̂d àmei ɨchî nɨ ə Mbǎʼ ə dììrɨ̀ə̀ bə̂d.

“Tɨ mbə̀ saʼ ə bə̂d cherə, ɨmbə̀ʼ tɨ Ŋwìə̀ bɨ saʼ i əwən. Tɨ mbə̀ chə̀kɨ̀ ə rɨkum bə̂d, ɨmbə̀ʼ tɨ Ŋwìə̀ bɨ chəkɨ i tən. Mbə̀ waʼ ɨnû rɨbɔ̀ŋ bə̂d, ɨmbə̀ʼ Ŋwìə̀ bə waʼ mbən.

“Àyɨə mə ghà ɨ nən, mbə̀n mbe nɨə zwetɨə ənû ze nɨ mɨə ghàə̀ ni: Mbə̀ ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ ə bə̂d mbe nɨə bàn əwən. Mbə̀ zɨ əbɔrəbɔd ɨgun ə bə̂d mbe nɨə zɨ̀ə̀ ndɔ̀n ɨgwɨ nən, bə̀ kɔ̀ŋgɨ̀ ə Ŋwìə̀ ɨgwɨ mbe nɨə zɔ̀m əwən.

Ənû ze mbə̀ kə̀b ni bə̂d cherə ghɨ ənɨ ə nən, mbə̀ bə ghɨ̀ ənɨ mɨ̀mə̌d.

Wə̀d mɔʼɔ mɨ nìb e ɨnwa, à bèŋ əba zɨə chwi ɨ bɔ. Wə̀d mɔʼɔ mɨ nɨŋ e ngywɨ̌ maʼi, bə sàŋ e ngywɨ̌ bòm ɨ bɔ. Wə̀d mɔʼɔ mɨ nɔn əghɨ rɨ ne, naʼ ɨ bɔ. Wə̀d mɔʼɔ mɨ nɨŋ mbe ɨghɨ, tɨrə̀ wɨrɨ biirɨ e ɨghɨ mbe.

“Chəi əzed ə chɔ̀m ə kɔ rɨtam rɨbɔ̀ŋ. Chəi əzed rɨbɔ̀ŋ ə bə̀ kɔ rɨtam chɔ̀m.

Ɨ mbɨə kyerɨ əzed tɨ ənɨ rɨtam məd. Chəi təŋgwin njəŋ ə kɔ əkwebɨ. Chəi fə̀kyi ə bə̀ kɔ mɨ̀namsɨ̀.