Popular Bible Verses from Lk 7

Share

Əne mə wɨə ghà ɨ ne ni, mbɨ fə waʼ ɨnû rɨbɔ̀ŋ məd mbe nɨ nyaʼa kaŋ nɔʼ, ɨmbə̀ʼ ɨghəm nɨ wɨ̀ bə chwi ɨghaʼi nɔnɔʼ. Àyɨə wə̀d we nɨ mbɨ waʼ ɨnû rɨbɔ̀ŋ məd rɨpiî bɨrɨ bɨ chwi àmei ɨghaʼ rɨpiî.” Wɨ̀ nyaʼa ghɨ əne, ghà əmbɨ əyi we ni, “Mə fə waʼ mbe ɨnû rɨbɔ̀ŋ.”

Yeso nyaʼa ghà əmbɨ əyi we ni, “E ɨbenɨ fə chɨ̀ əwe rɨ əŋgəʼ. Sɨ wò e ənɨ əbɔrəbɔd.”

Wɨ̀ nyaʼa pè təm ənjìm ə Yeso ɨban ɨwu ɨməd, kɔ chweŋ mɨsɨ zù ɨwu məd əŋgu bə̀ fu ənɨ ti nyôŋ rɨ ətu. Wɨ̀ nyaʼa sɔɔrɨ ɨwu mbe bə̀ zɔʼ ənɨ mɨwud mbe.

Mə bə̀ zə ni mɨ rɨka kùʼ əmɨ nɨ yeʼe əsɨ ne mɔ̌ mɔ̌. Əne gha àmei ɨŋgam, mɨ wə̀d ə̀fàʼì bɨrɨ bɔtɨ i. Mɔ̌ yɨə mbaŋə̀ əton mɨ̀sɔgyɨ̀ kyeŋ. Mə bə̀ berɨ mɨ̀sɔgyɨ̀ əton num. Mə mɨ ghà əmbɨ wɨ mɔʼɔ ni, 'Wo ə!', wɨ̀ bə̀ wò. Mə mɨ bə̀ ghà əmbɨ wɨ cherə ni, 'Yeʼe!', wɨ bə̀ yeʼe. Mə mɨ ghà əmbɨ mɨ wə̀d ə̀fàʼì ni, 'Faʼ ə̀fàʼì zɔ̂!', wɨ̀ bə̀ fàʼ.” Ənɨ Yeso nyaʼa zu ənû ze, wɨ̀ nyaʼa yiirɨ ɨmbə̀ʼ əməd, əne bèŋ ghà əmbɨ ɨnɔ̂n bə̂d we nɨ nyaʼə beenɨ əbɔʼ məd ni, “Mə ghà ɨ nən ni ka àbei ɨŋga Izre, chəi mə̀ kweʼ zə wə̀d mɔʼɔ nɨ berɨ ɨkwɨ ɨbenɨ wɔ̂.”

Àmei ənɨ ə nyùmə̀ we, Yeso nyaʼa vɨ̀ bə̂d mɨ̀nɔnɔʼ nɨ nyaʼə wɔ̀n tɨkwɨrɨ ɨwɔn nɔnɔʼ, wɨ̀ nyaʼa chɨ̀ ɨzwî rɨbɔ̀ŋ bə̀ ghɨ̀ ni mɨfɨgɨ̀ nɔnɔʼ zə ɨsɨ. Ənɨ wɨ̀ nyaʼa ghɨ əne, wɨ̀ nyaʼa wììrɨ̀ əmbɨ mɨ̀mə̌d ni, “Mbə wò ghà ɨnû mbe nɨ mbə̀ fə zə bə̀ zu əmbɨ Jɔ̌n. Mɨfɨgɨ̀ mbɨə sɨə zə ɨsɨ, bə̂d nɨ nyaʼə tèʼ ɨwu mbɨə sɨə yèn ɨchî chɔ̀m, əpabɨ ə mì rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ənû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ ə bə̂d ɨkwaŋ.