Popular Bible Verses from Lk 8

Share

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

Ɨghɨ mbe nɨ nyaʼa feŋ ɨgun ɨwɔ̌ yɨə bə̂d mbe nɨ ənɨ mbɨ fə zu ɨŋgam we, mbɨ nɨŋ ənɨ ɨghaʼi. Àyɨə chəi wɨ nyɨ ɨŋga fîŋ tɨ mɨ̀mə̌d. Ɨ mbɨə ben ɨŋgam we ənɨ ɨkə nyùmə̀, àyɨə ənumbɨ ə mɨ yeʼe, mbɨ chɨ̀ tə fîŋ tɨ ənɨ ənû ze nɨ mbɨ benɨ.

Ənɨ mbɨ nyaʼa bɔd əne, wɨ̀ nyaʼa ghà əmbɨ mɨ̀mə̌d ni, “Ə ɨbenɨ kɨ yi ə?” Mbɨ nyaʼa bɔ bə̀ yiirɨ, əne ghà mbənə mbənə ni, “Wɔ̂ kɨə kaŋ əwe, nɨ wɨ̀ mɨ ghàm ka àbei əfim mbɨ mɨnib nɨə nɔ̀ʼə̀ swiʼə ə zuunɨ əməd ə?”

Ɨghɨ mbe nɨ nyaʼa feŋ ɨgwɨ ɨnə̂njɨ̀ yɨə bə̂d mbe nɨ fə zu ɨŋgam we, àyɨə əzwî rɨbɔ̀ŋ ə yeʼe chɨ̀ ɨŋgam we rɨŋga fîŋ tɨ mɨ̀mə̌d, ɨmbə̀ʼ tɨ mbɨ ben əwən, jwɨ̀ rəŋgəʼ.

“Chəi ənû ə mɔʼɔ ənə̀mə nɨ chəi bə̂d bɨrɨ toʼ əsaŋ. Chəi bəi ɨsə mɔʼɔ nɨ chəi bə̂d bɨrɨ kyerɨ, kɨ̀ nɨ chəi bə̂d bɨrɨ du əsaŋ.

Ənɨ əyi we nyaʼa zə ni chəi ɨchî nɨ tɨ̀ rə nə̀mbɨ̀, wɨ̀ nyaʼa wò yènə̀ bindɨə, pè gù ɨfě Yeso, ghà əton ze nɨ wɨ̀ kəʼ bètɨ̀ əməd əmbɨ ə bə̂d mbe mɨ̀jìm, bə̀ ghà ɨchî nɨ wɨ̀ nyaʼa bɔtɨ i əwu əwən. Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd.”

Mə̀mə̀ə̀nɨ̀-ɨnû mbe nyaʼa wo nɔ̀ əməd, ghàə̀ ni, “Masà, Masà, tɨ̀ yɨ əni ɨchù ɨvɨ!” Wɨ̀ nyaʼa nɔ̀ʼ, ghàm əbɔʼ əfim ze fɔrɨ əbɔʼ mɨnib mbe nɨ nyaʼə nɔ̀ʼə̀ swiʼə. Mbɨ nyaʼa sob, əne ɨsɨ nyaʼa bɔd rɨ gwèèd.