Popular Bible Verses from MATEO 21

Share

Niźaśa thappacha anćhukki mayiśikan thapa quśtanź maya, niźaśaqaś tanźnakićha.

Jesusaki ninakźkiś qhäśićha: –Cheqpachal khiwćha anćhukki thapa quśśiś niźaśa ana teqinaśku khesaź nïki, anaź tillaqaś päsaćha ti jiwuskiś werh pächinla xalla niźtaki, ans ti kurźkiś chiyasaź nïki: ‘Teqhśtan saraqa qotkin thxotsna’, xalla nuźupan watasaćha.

Jesusiź tukkin, oqhñi źoñinakaki niźaśa wirkin thonñi źoñinakami, qhawi qallantichićha: –¡Xallalla, ni David reyź Matiki! ¡Añcha walix khila ni Yöś thükiś thonñiki! ¡Xallalla ni tsewkta Yöś wathkinaki!

niźaśa ninakźkiś khichićha: –Ni khjirtikiśiki tuź khićha: ‘Weth qhuyaki mayiśiś qhuyaź khekićha’, niźaśa anćhukki thañinakź qaqaź taqaś pächinćhukćha.

“Sión chawkh wathźkiś chiya: ‘Cherźna, am Reyki amkiś thonćha, niźaśa llanulla lhat aśnakiś yawchi, niźaśa tshi ker aśnullchiś, tshi quźi xoxoñi uywiź tsjikallkiś.’ ”

Neqhśtan Jesusaki ninakźkiś pewkśićha: –¿Anćhukki anapan ni khjirta lïchinćhuk qhaźtataxo? Ni khjirtaki tuź khićha: ‘Ni qhuya pirqiñinakaki maś arśićha, ni maśki cheqan iskina qallantiñikiś khissićha. Yöśśa tïki nuź pächiki, ućhumnakkiśki añcha iśpantichukaćha.’

Cheqpachal khiwćha ni Yöś irpiś wathaki anćhukakiśtan qhañtaź khekićha, neqhśtan nïki ni tuyñuźta ćhheri poqqatñi wathanakźkiś thätaź khekićha.