Popular Bible Verses from Yokana 1

Share

Ne abo babamwakaanila, abo baaba ni khufukiilila mu lisiina lyeewe, abawa bunyala bwe khukhwikyela babaana ba Wele

Makiboole aabawo Ilomo, n'Ilomo iyo yaba ni Wele, n'Ilomo iyo yaba Wele.

Buwaanga bumulikha ali shishiilima, ni shishiilima shalekha khunyalisa khubusimisa ta.

Ilomo yino yekyela umuundu, wekhala akari musiifwe, nga wetsuule bubweela ni bwa ŋali. Ni nafwe khwabona shiriifwa sheewe, shiriifwa nga shili sh'Omwaana natweela yenyene khukhwaama isi Paapawe.

Wele aabuumba bibiindu byoosi khuubirira mu Lomo iyo. Mbaawo shishiindu na shitweela shoosi shishabuumbibwa ta akhali khuubirira mu niye. Buulamu bwaba bwaama mu niye, ni buulamu buno bwaba buwaanga bwe babaandu.

Shifukhu shisheelakho, Yokana n'abona Yesu nga alikho eetsa is'ali waaloma ari, “Bona Khasheese kha Wele, uwinyusawo shishonako she shiibala!

Ilomo yaba mu shiibala, ni shiibala shabuumbibwa khuubirira mu'lomo nyene. Ne shiibala shalekha khumanya Ilomo yino ta. Ilomo yeetsa mu baandu baayo babeene, ne babaandu beewe balekha khumwakaanila ta.

Ilomo yino niyo iyaba buwaanga bwa ŋali, buwaanga bubweetsa mu shiibala khukhwaburukhila buli mutweela.

Lwekhuuba Wele arawo kamakaambila nga abirira mu Musa, ne bubweela ni bwa ŋali byeetsa nga bibirira mu Yesu Kristo.