Popular Bible Verses from Yokana 2

Share

Khano nikho khabonelo khe kamakaanga kheesi Yesu aanyoowelakho khuukholela i Kana, mu Galilaaya. Aryo wokesanisa shiriifwa sheewe, ni baleekelwa beewe baamufukiililamo.

Yesu wamulomela ari, “Mukyelemawe, ubeele uryeena ni nase?”

Yesu waloma babakaanisi ari, “Ni mwitsuse kamayingu ako ni kameetsi.” Nabo baketsusa khukhwoolela ilala khu minwa. Lwanyuma waabaloma ari, “Ni mutahekho muyilile umuraangilisi we kamayiiya.” Babakaanisi baatahakho baamuyilila.

Yesu wabeelamo ari, “Ni mufuniaake Lisaayilo Likhulu lino, ni nase indilyombekhela mu bifukhu bitaru.”

Aryo Yesu wabukula kimikosi warukhamo kumusariti, wabatimisa boosi khurura mu Lisaayilo Likhulu, atweela ni tsisheese, ni tsikhaafu. Wahanyaka tsinusu ts'abo babaaba nga bayuusaŋana tsinusu. Wafumalikhaka ni tsimeetsa tsaabwe. Waloma abo babakulisa kamawuusi ari, “Bino ni mubirusewo ano! Shimwaakha mwakalusa intsu ya Paapa wase, mwakikesa khuuba intsu ye khukulaanilamo ta.”