Popular Bible Verses from Yokana 14

Share

Lukoosi nilwo lweesi imbalekheele; lukoosi lwase lulweene nilwo lweesi imbaweele. Ise s'imbawa lukoosi nga shiibala ni shibawa ta. Kimyoyo kyeenywe kikheyembelela namwe kikharya ta.

Yesu waamwiilamo ari, “Ise niye intsila, naluundi niye bwa ŋali, naluundi niye buulamu. Mbaawo umuundu uwiitsa isi Paapa ta, khurusakho nga abirira mus'iise.”

Yesu wiloosela waaloma ari, “Mukhaba ni khukhwiyembelela mu myoyo kyeenywe ta. Ni mufukiilile mu Wele, ni nase ni mufukiililemo.

Ne Umuyeeti, nga niye Umwoyo Umukhosefu, isi Paapa alyakaanisa mu lisiina lyase, alibaleekela inywe bibiindu byoosi. Naluundi alibashebusa ibyo byoosi byeesi imbabooleele.

Uyo umanyile kamakaambila kaase, wakawaamba, aba uyo niye uwungana ise. Ni n'oyo uwungana ise, naye alikanibwa ni Paapa wase. Ni nase ndi mukana, niyokesanise is'ali.”

Ni nase kane inoombe Paapa, ni naye alibawa Umuyeeti ukuundi, ulibatsaka ni nanywe bifukhu byoosi. Umweene uyo niye Umwoyo uwa ŋali, isi shiibala shikhanyala khukhwakaanila ta, khulwekhuuba shiibala seshimubona namwe sishamumanya ta. Ne inywe mwamumanya khulwekhuuba amenya mus'iinywe, akhaabe mus'iinywe.

Buli shoosi shoosi sheesi kane muloombatsake mu lisiina lyase, indishikhola, nio shiriifwa sha Paapa shibonekhele mu Mwaana. Ni mulinoomba shishiindu shoosi mu lisiina lyase, indishikhola.”

Yesu weloosela ari, “Ni muba nga mungana ise, kane mulondelelatsake kamakaambila kaase.

Muntsu ya Paapa wase mulimo biifwo bikali. Ni nase ndi khuutsya khubaŋoonaŋoonela shifwo. Shino shiba shishikhali shiryo ta, khali ise s'imbaboolele inywe ta.

Ne n'imba nga namalile khubaŋoonaŋoonela shifwo, indikobola luundi imbayile isi ise ndi, nio isi ise ndi ni nanywe mube ibweene iyo.

Tomasi waamureeba ari, “Umukasya, sikhwaamanyile ni mu shifwo mweesi ulikho wutsya ta, khunyala khuryeena khwaamanya intsila?”