Popular Bible Verses from Cakirok 39

Share

Rwoth oyido nitie gi Yozefu, aka obedo jacwo ma kisi gimoro okidho gi go maber. Go obedo i ot pa jadwoŋ pere ma Jamisir.

Ameno Potifa oweyo kisi gima go oyido nitie gine i cingi Yozefu aka k'odewo kwoŋ gimoro je kwanyo woko cemo ma go ocamo. Onyo Yozefu oyido ocweyere maber, aka ŋon.

Aka jakur jiera omiyo Yozefu kuro jojiera man je, aka kisi gim'otimi kenyo go am'oyido jatim.

Jadwoŋ pa Yozefu otero go to ketho i jiera, kam'oyido ikan'iye jojiera pa kere; aka go obedo kenyo. To Rwoth oyido nitie gi Yozefu aka onyutho go mar makiwire, aka omiyo go wor i waŋ jakur jiera.

Aka munyo hongo moro okadho, cipa jadwoŋ pere obolo waŋe kwoŋ Yozefu, aka owaco ni, “Nindi kodan.” To Yozefu okwero to waco ni, “Neni, jadwoŋ paran kidew kwoŋ gimoro je i ot rupiri anitie ka. Go oketho kisi gim'anitie gine i cingan. Anigi dwoŋ madit i ot me paka go nitie gine, aka go k'okano gimoro je kwoŋan kwanyowoko in, rupiri ibedo cege. T'onyo d'anotim kidakana madwoŋ me t'atimo reco kwoŋ Were?”

To ndelo acel, munyo Yozefu odonjo i ot timo tic pere, aka ongoye kwoŋ ŋecin ma ot m'oyido nicegin, omako go gi kanzu pere aka owaco ni, “Nindi kodan.” To Yozefu obudhere to weyo kanzu pere i cinge aka oŋweco to wok i ot.