Popular Bible Verses from Matááyo 24

Share

Tá ˈdaa giri hé ˈdeđewká les ˈdú iilishanatká, gielmit gálaat hí hol ka ˈguoká hai gaanata. Tá máá hééllá lulle mé ki chirsat-, ˈjíig he mé đig yeetká Waag haí rianna.

Tá Fayam Midhab-, Guch Waaˈgietallá les geer lulle ha gaalí gaa ˈdiyime, giri kidh met lulle hí mamaloká. Af kinaallá in biiy el met ˈdaˈdle ali kí ˈdeenne.

Oosom fayamle ubaa oosom hemle haí maalla. Tá haí bírginy! Hééllá yiem hai ká ˈdeeme, tá les el ˈdaˈdle hé geđ igiˈdo.

Kidh hollo hol yeese, kansimano lesam met eiy ki ˈgiiyyoká hollo hol cheese. Biiy alb burnayká kuoˈd ubaa les motiny haí gáá ˈdeenne. Hééllá lulle kulle hát geer veerit erkob-, min verennoká he ká yaalla.

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin, Yíésu hí lalille yie.

Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Gaal gál burnayká hai baađisia.

Af kinaallá itín ha gaalí ˈgiiliˈgaa, gál hí maanyjasuoká gil ger ha gaalí fafaa, ha gaalí yeese, ˈdaa meenychú ˈdugaka kidh met lulle haí neebeedhe. Gál burnay-, ye iiy yieká el af hai ye gaa taama, gaal gál ye iiy yeen ka ˈguoká hai neebeedhe, gáál hem hai gaa siidha. Gál burnay hođomlé-, hol gál Waag hí ˈdeem ka shigichoká hođuo-, gálaat baađisuoká yiem hai ká ˈdeeme.

Yíésu gáál ˈdéé hol ˈdú nie, kieye, Hol ˈdeeˈdemíe, ha máádhat hí nyimísan.

Aaléka, itín úba tagano ˈdée! Yáá Iny Máádhátallá aadh ˈgás hí ye ki muogká ha gáá ˈjeeme, Yíésu hí gáál yie.

Aaléka, met hí ˈdú ˈgie, yáá Máá kíchia Guđóóllá kúlích gáá ˈjeˈjeenká ití muog.

Yíésu geđi lalille geey, kieye, Tá kúlích kinaallá ubaa aadh ˈgásle Waag gállé ˈgasso-, urruká yíekaʼ, yáá Ínyííl yíekaʼ, hé máá níínní hí ogká mán. ˈJaachú tákáma hí og.

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Yaalmit giri héle bár Nowaká in yáá Iny Máádhátallá ˈjímchú bárle úba hí cheedhe. Bár giri Nowa kinaallá bie hátlé les lulle er ma súonyká, gálaat hé he kokoey, ubaa he igime, hé hol shugunne, in ˈjíig kúlích Nówa hí kadich gaa hileká đig. Gaal hát he hí kí hilééllá hé moonnoy, in đo bie ká rue, hí uune. Aaléka yáá Iny Máádhátallá ˈjímchú úba hát kinaallá hai yeedhe.