Popular Bible Verses from Genesis 17

Share

Sang si Abram nagaedad na sing nobentay nwebe ka tuig, ang GINOO nagpakita sa iya kag nagsiling, “Ako ang Dios nga Makagagahom. Magtuman ka sa akon kag himua sa gihapon ang matarong.

Ang imo ngalan indi na Abram, kundi Abraham tungod kay ginahimo ko ikaw nga amay sang madamo nga mga pungsod.

“Pagatumanon ko ang akon saad sa imo kag sa imo nga mga kaliwat sa palaabuton nga mga kaliwatan subong isa ka walay katapusan nga kasugtanan. Ako mangin-imo Dios kag Dios sang imo mga kaliwat.

“Amo ini ang aton kasugtanan nga akon ginahimo sa imo: Nagasaad ako nga mangin-amay ka sang madamo nga mga pungsod.

Pero ang Dios nagsiling, “Indi mahimo! Ang imo asawa nga si Sara magaanak sing isa ka bata nga lalaki kag pagahingalanan mo sia kay Isaac. Pagatumanon ko ang akon kasugtanan sa iya kag sa iya mga kaliwat, kag ini nga kasugtanan wala sing katapusan.

Ihatag ko sa imo kag sa imo mga kaliwat ini nga duta sa diin isa ikaw subong ka dumoluong. Ang bug-os nga duta sang Canaan mangin-ila sang imo mga kaliwatan sa walay katubtoban, kag ako mangin-ila Dios.”

Si Abraham naghapa sa duta pero nagkadlaw sia sang nagpanghunahuna sia sini, “Makapabata pa bala ang lalaki nga nagaedad sing 100 ka tuig? Makabata pa bala si Sara nga nagaedad na sing nobenta ka tuig?”

Ang Dios nagsiling kay Abraham, “Indi mo na pagtawgon ang imo asawa kay Sarai, kundi sugod subong si Sara na ang iya ngalan.

Sugod karon dapat ninyo tulion ang tagsa ninyo ka bata nga lalaki sa ikawalo nga adlaw halin sa iya pagkatawo, lakip ang mga ulipon nga natawo sa inyo balay kag ang ginpamakal ninyo nga mga ulipon sa mga dumoluong. Ini magapakita nga may kasugtanan kita.

Pero tumanon ko ang akon kasugtanan sa imo anak nga si Isaac, nga ibun-ag ni Sara sa mga amo man sini nga tion sa madason nga tuig.”

Sugod karon dapat ninyo tulion ang tagsa ninyo ka bata nga lalaki sa ikawalo nga adlaw halin sa iya pagkatawo, lakip ang mga ulipon nga natawo sa inyo balay kag ang ginpamakal ninyo nga mga ulipon sa mga dumoluong. Ini magapakita nga may kasugtanan kita. Ang tagsa sa inyo dapat tulion, kag ini mangintanda sa inyo mga lawas sa pagpakita nga ang akon kasugtanan sa inyo wala sing katapusan.