Popular Bible Verses from Genesis 21

Share

Ginbendisyunan sang GINOO si Sara, suno sa ginsaad niya

Nabatian sang Dios ang hibi sang bata, kag ang anghel sang Dios halin sa langit naghambal kay Hagar, “Ano ang ginapaligban mo, Hagar? Indi ka mahadlok. Ang Dios nakabati sang hibi sang bata. Magtindog ka, kuhaa ang bata, kag pahipusa sia. Pagahimuon ko nga daku nga pungsod ang iya mga kaliwat.”

kag nagbusong sia kag nagbata sing lalaki bisan pa nga si Abraham tigulang na. Ang bata natawo sa tion gid nga ginpat-od sang Dios.

Si Sara nagsiling, “Ang Dios naglipay kag nagpakadlaw sa akon. Ang tanan nga makabati nahanungod sini magakadlaw upod sa akon.”

Pero ang Dios nagsiling kay Abraham, “Indi ka magpalibog nahanungod sa bata kag sa imo ulipon nga si Hagar. Himua ang ginasiling sa imo ni Sara, tungod kay paagi kay Isaac makaangkon ka sing mga kaliwat nga akon ginsaad.

Hatagan ko man sing madamo nga mga kaanakan ang bata sang ulipon, agod mahimo sila nga isa ka pungsod. Anak mo man sia.”