Popular Bible Verses from Genesis 22

Share

Ginhingadlan ni Abraham yadto nga lugar nga “Ang GINOO Nagahimuno.” Gani bisan karon ang mga tawo nagasiling, “Sa bukid sang GINOO nagahimuno sia.”

Ang Dios nagsiling, “Dalha ang imo anak nga lalaki, ang imo bugtong nga anak nga si Isaac nga imo gid ginapalangga, kag magkadto ka sa duta sang Moria. Didto ihalad mo sia subong halad nga sinunog sa bukid nga akon itudlo sa imo.”

Nagsiling sia, “Indi pagpatup-i ukon pag-anha ang bata. Karon nahibal-an ko na nga nagatuman ka sa Dios, kay wala mo pag-idumili sa akon ang imo bugtong nga anak.”

Si Abraham nagsabat, “Toto, ang Dios magahatag sa aton sang inughalad.” Kag nagpadayon sila nga duha sa paglakat.

Nagasaad ako nga hatagan ko ikaw sing madamo nga mga kaliwat subong kadamo sang mga bituon sa langit kag mga balas sa baybay. Ang imo mga kaliwat magadaog sang ila mga kaaway. Kag ang tanan nga mga pungsod sa kalibutan magapangayo nga bendisyunan ko sila subong sang pagbendisyon ko sa imo mga kaliwat, tungod kay nagtuman ka sang akon sugo.”

Sang ulihi ang Dios nagtilaw kay Abraham. Gintawag niya sia, “Abraham!” Si Abraham nagsabat, “Yari ako, nagapamati sa imo.”

Pero ang anghel sang GINOO nagpanawag sa iya halin sa langit, “Abraham, Abraham!” Nagsabat sia, “Yari ako.”

Ang anghel sang GINOO nagtawag liwat kay Abraham halin sa langit, “Amo ini ang ginasiling sang GINOO: Nagasumpa ako sa akon ngalan nga hatagan ko ikaw sing madamo gid nga mga kaayuhan, tungod kay ginhimo mo ini kag wala mo gindumili ang imo bugtong nga anak sa akon.

Sang makaabot sila sa lugar nga ginsiling sang Dios, si Abraham naghimo sing altar, kag ginbangdaybangday niya ang mga gatong sa ibabaw sini. Gingapos niya ang iya anak kag ginbutang sia sa altar sa ibabaw sang mga gatong.