Popular Bible Verses from ECLESIASTES 10

Share

Kung ang bakal ay pumurol, at hindi ihasa ninuman ang talim, dapat nga siyang gumamit ng higit na lakas; ngunit ang karunungan ay tumutulong upang ang isang tao'y magtagumpay.

Kung ang galit ng pinuno ay bumangon laban sa iyo, huwag kang umalis sa iyong kinalalagyan, sapagkat ang pagiging mahinahon ay makapagtutuwid sa malalaking kamalian.

Ang mga patay na langaw ay nagpapabaho sa pamahid ng manggagawa ng pabango; gayon ang munting kahangalan ay sumisira ng karunungan at karangalan.

Ang mga salita ng bibig ng matalino ay magbibigay sa kanya ng pakinabang; ngunit ang mga labi ng hangal ang uubos sa sarili niya.

Siyang humuhukay ng balon ay mahuhulog doon; at ang lumulusot sa pader ay kakagatin ng ulupong.