Popular Bible Verses from MGA AWIT 10

Share

O PANGINOON, iyong maririnig ang nasa ng maamo; iyong palalakasin ang kanilang puso, iyong papakinggan ng iyong pandinig upang ipagtanggol ang mga naaapi at ulila, upang hindi na makapanakot pa ang taong mula sa lupa.

Iyong nakita; oo, iyong namamasdan ang kaguluhan at pagkayamot, upang iyong mailagay ito sa mga kamay mo; itinalaga ng sawing-palad ang sarili sa iyo; sa mga ulila ikaw ay naging saklolo.

Bakit ka nakatayo sa malayo, O PANGINOON? Bakit ka nagtatago kapag magulo ang panahon?

O PANGINOON, O Diyos, itaas mo ang iyong kamay, bumangon ka; huwag mong kalilimutan ang nagdurusa.