Popular Bible Verses from IOANE, 13

Share

O le poloaiga fou ou te tuu atu ai ia te outou, ia outou fealofani; faapei ona ou alofa atu ia te outou, ia fealofani foi outou. O le mea lea e iloa ai e tagata uma lava o o‘u soo outou, pe afai ua outou fealofani.

O lenei, afai o a‘u le Alii, ma le a‘oa‘o, ua oa mulumuluina o outou vae, e tatau ona outou femulumuluai o outou vae. Auā ua ou avatu le faaa‘oa‘o ia te outou, e pei ona ou faia ia te outou, ia faapea lava e outou ona fai.

Ua tali atu Iesu ia te ia, ua faapea atu, O le mea ou te faia, e te le iloa nei, a e mulimuli ane e te iloa.

E moni, e moni, ou te fai atu ia te outou, e le sili le auauna i lona alii; e le sili foi le ua auina i le e ana le feau.

Afai ua outou iloa ia mea, amuia outou pe a outou faia.

ona tu lea o ia i luga a o fai le talisuaga, ua tuu ese ona ofu, ua tago foi i le ie sōloi, ua fusi ia te ia. Ona liligi lea e ia o le vai i le ipu e mulumulu ai, ua mulumulu i vae o ona soo, ma sōloi ai i le ie sōloi ua ia fusia ai.