Popular Bible Verses from MAARIKO 2

Share

Yiesû akwîgua aarimû babu ba watho bakîûria ûgu, abacookeria abeera, “Tika antû batarî baayie beendaga ndagitaarî. Bara baayie i bo beendaga kûragûrîrwa. Ntaaya gwîta bara baagîru, ndaayire gwîta bara eeyia kaingo beerira.”

Yiesû akwona bûra antû babu beetîgîîtie bûgana, eera kîonje gîku, “Ûkûrekerwa meeyia maaku, aba.”

Yiesû abeera, “Ntugû ya Sabatû îrî oogo n'ûntû bwa muntû, îndî muntû atirî oogo n'ûntû bwa ntugû ya Sabatû.

N'ûntû bwa antû kwingîa, bataûmba gûkinyithia kîonje gîku ara Yiesû aarî. Baatwa baaromora rûûgûrû rwa nyomba înu batarithîîrîîtie ara Yiesû aarî. Bakûromora, beendamîîria kîonje gîku oogo wakîrî mamaamîrooni.

Kaingo bûmenya Mwana wa Muntû arî na watho bwa kûrekera antû meeyia maao gûkû nthîgûrû, inkûbwonia.” Yiesû eera kîonje gîku, “Ûkîîra ûkamate mamaamîro maaku wînûke.”

I bûrîkû bûûthû? I kwîra kîonje gîkî, ‘Ûkûrekerwa meeyia maaku,’ kana i gûkîîra ‘Ûkîîra ûkamate mamaamîro maaku ûthi’?

Nthûti weenu kîonje gîku gîaûkîîra bacûûbîîte, gîakamata mamaamîro kîenûka. Antû bakwona ûgu baarigara mûno. Baakumia Ngai bakiugaga, “Tûtoona ûûgû kaîrî!”