Popular Bible Verses from John 15

Share

“Sakon chi puun chi grapes, ked chikayu cha pangala. Lu silu iinggew kan sakon, iinggewak bo kan siya, ked achu mambubungala. Ti lu lappulak kan chikayu, lappun makwayu.

Ituɏuyyu iinggew kan sakon ked ituɏuyku bo iinggew kan chikayu. Lu achipun kayu iinggew kan sakon, achipun kayu mamunga un isun chi panga un achipun iinggew si puunla.

Lu iinggew kayu kan sakon ya iinggew bo ugudku kan chikayu, manchawat kayu si pionyu, ked maatod kan chikayu.

Chakampun un chikayu lamili kan sakon, ngim sakon chi lamili kan chikayu. Imbuunku chikayu ta ingkayu ya mamunga-bunga kayu si achu. Ked mantuɏuy otyan chi bungayu. Ta ulay lu silu chawatonyu kan Ama mipagapu si ngachenku, idchola kan chikayu.

Ha kachakɏan un ayat un ipailan chi tagu ked ichuyala biyegla para kan cha bubuɏunla.

Itetepangla pangapangon cha panga un achipun mamunga ya chuɏsala cha panga un mamunga-bunga ta umad-achu mambubungala.

“Allaya bilinku kan chikayu: man-asiayat kayu un isun chi man-aayatku kan chikayu.

Lu mamunga kayu si achu, michaychayaw si Amak, ked mambyalin kayu disipulusku.

Ot lan-alig si Jesus, un kalala, “Sakon chi ustuʼn puun chi grapes, ked si Amak chi man-aayyuwan.

Lu achipun chi tagu iinggew kan sakon, mibyellu siya un isun chi pangan lasopɏak. Lu meɏangu panga, uppuloncha ya soggoncha.

Imbyegak cha alla kan chikayu ta iinggew otyan chi galasku kan chikayu, ya lappun otyan mangkuɏangan chi galasyu.

Isun chi mantututtuwak kan cha bilbilin Amak, ya inggewak si ayatla, iinggew kayu si ayatku lu tumuttuwa kayu si cha bilbilinku.

Allaya bilinku kan chikayu, man-iillayat kayu.”

Lu mikama kayu kan cha achipun mamati utla lubung, ayatoncha chikayu. Ngim gapu ta pililiyak chikayu, achi kayu mikama kan chicha, ked hachi mansasangaancha kan chikayu.