Popular Bible Verses from John 16

Share

Imbyegak laoy kan chikayu ta lumin-awa cha somsomokyu gapu kan sakon. Paligatan chikayu kan cha achipun mamati, ngim pakoscheɏonyu somsomokyu ti ilabyakku si Satalas un sinturay utla lubung.”

Ngim lu umali Ispiritun Apudyus un tuttuwa, siya mangipakaammu kan chikayu si katuttuwaan un mampeɏpu kan Apudyus. Achipun man-ugud si uwalan somsomok, ngim siyà uguchola chingngeɏla kan Apudyus ya ipakaammula kan chikayu cha makwa si umaliʼn eɏgew.

Inggalad chi salaoy, lappun pay laing chilawatyu gapu si ngachenku. Si sala manchawat kayu ot maawatyu ta maam-amod chi galasyu.”

Ngim tuttuwa ibyegak kan chikayu. Bumaɏuwanyu lu umoyolak, ti lu achipulak umoyon, achipun bo umali Ispiritun Apudyus un Katuɏunganyu. Ngim lu inyakon, ibuunku siya un tumuɏung kan chikayu. Ked lu umali siya, ipakaawatla kan cha tagu un laillachu mipanggop si byasuɏ ya kilalintog ya si manchusaan Apudyus.

Isula bo kan chikayu, ti manchachauy kayu si sala. Ngim lu chumtong chi timpu, mantitillullong taku kasin ked amod chi galasyu ked lappun makakaan si halat un galas kan chikayu. “Lu chumtong chi hachiʼn timpu, chakampun kan sakon chi manchawatanyu, ti si Amak. Tuttuwa allaʼn ibyegak kan chikayu, lu silu chawatonyu kan Amak gapu si ngachenku, idchola kan chikayu.

Tuttuwa allaʼn ibyegak kan chikayu: man-ibin kayu ya mallangchu kayu, ngim cha achipun mamati kan sakon matetteɏokcha. Manchachauy kayu ngim ha langchuyu mambyalin un galas.