Popular Bible Verses from Genèse 50

Share

Ni bàà nìn dākafì kí ŋá-mi tikpitil ní, ama ní Unimbɔti dūu kpántì tiŋan kí ŋmā kí fīī dinibukpaandi kii an nín bíi jītí pu díǹ ni wāĺ nee ní.

Ní Jooseefi bí-bi yii: «Taa fàŋkìmaan! M ŋūǹ kí fōō Unimbɔti paaŋŋuɔɔ?

An puee taa fàŋkìmaan. M làá nīn kpèé ni nì ni-dicaŋŋi tiŋan.» Míǹ ní u nìn sòon̄ nì bi dinyɔɔbummɔɔndi ki sɔ̄ŋkì bi-pɔbil.

<Ní tùkù Jooseefi yii m gbāam̀-u, ú dū u-nabiyaamu nín yīntiǹ-u puee nì bi nín ŋá-u ikpiti in kɔkɔee kí pɔ̄-bi.> Míǹ puee dū timbi bin nóó Unimbɔti un a-baa nìn nóóyee kpitii kí pɔ̄-ti.» Bi nín tùkū Jooseefi an bɔtee ní u bíi sūǹ.

Bi bí míǹ dalbee ní Jooseefi tùkū u-nabiyaamu yii: «Man làá kpú ní nee, ama Unimbɔti làá dāá pée tūtuǹ-ni. U làá dāá nyāntí-ni kitiŋ nee poon kí cáá-ni kí cùnnì kitiŋ kin u nìn pūtì ki pōoǹ yii u làá tīī Abraam nì Isaaki nì Jaakɔbee.»

Ní Jooseefi yāntì Isirayeel yab pūtì ki pōoǹ-u, ní u lī-bi yii: «Unimbɔti làá dāá pée tūtuǹ-ni ní. Ní dāá kpáaǹ m-kpabiŋ kí nyā kitiŋ nee poon.»

Jooseefi ŋá abin dilaataal nì saalaa ní ki nín kpíì. Bi nìn bɔ́ntì-u ki ŋmītì u-wunti ikpafi ú taa sūū, ní ki dū-u ki ŋá dakaa poon ki síiǹ Eejipiti tiŋkin niin.