Popular Bible Verses from Lukà 8

Share

Vɔ̀ ènuku kèwo jè ànyigbã nyuɛ̃ jiawo ye nyi àmè kèwo, ne wo sè ènyàa, wo xɔ̀nà ɛ̀ ɖo èjì nyuɛ̃ kè wɔ̀nà ànùkuaa mè. E lenabè na wo, ku veve do ènu kaka wo sɛ̃na èku.”

Nuku kèwo jè àŋùjawo mèawo ye nyi àmè kèwo sè è vɔ̀, eye lè àgbè be èmɔ̃a jia, xixe kèa mè be kãmàkãmawo, yebe àdɔ̀kùnuwo ku yebe ènulɔ̃ɛwo va jãna wo, àleke be wo mu sĩnà ne woa sɛ̃ èku ò.

Nuku kèwo jè èkpe jiawo ye nyi àmè kèwo, ne wo sè ènyàa, wo xɔ̀nà ɛ̀ kudo jìjɔɛ. Vɔ̀a wo mu ɖo èkè ò. Wo xɔ̀nà e ji sè hùenu vi ɖe kpò, eye ne tètèkpɔ vaa, wo jona àgɔ̀.

Eye, Yesù biɔ nukplaviawo sè be: “Mìabe xɔ̀sèa ɖe?” Vɔ̀a, wo vɔ̃, kã yàa, eye wo biɔ woa nɔ̀nɔwo be: “Àmè kɛ ŋutɔ gɔ̃ ye nyi àmè kèa ò? E ɖènà ègbè na àya kudo èsì ŋutɔ cã, eye wo ɖona èto è!”

eye kèwo jè èmɔ toawo ye nyi àmè kèwo, ne wo sè ènyàa, Àbòsam vana, eye e ɖènà ɛ̀ jo lè woabe èjì mè, ne wo mu gbà xɔ̀ e ji sè, ne woa hlùɛ̃ wo gã ò.

Ènu ɖekpe mu lè wawla kè wo mu la ɖè sia ò, eye nènea ke ènu ɖekpe mu lè wìmè kè mu la ze lè gàglàgbè ò.

Ekè nyɔ̃nùa kpɔ be Yesù nya ènu kè yè wɔ̀a, e le hũhũ tìtìtì eye be dɔ̃ va. E jè èklò lè Yesù be ŋùkɔ̀, eye be gblɔ̃ ènu kè ŋuti be tɔ àsi Yesù ɖo, ku leke yebe èdɔ̀a vɔ̀ troloa, lè àmèwo keŋu be ŋùmè. Yesù gblɔ̃ na ɛ̀ be: “Èvi nyè, xɔ̀sè wòa hlùɛ̃ wò gã. Jo yì lè ŋuti fàfa mè.”

Nukplaviawo va Yesù gbɔ, fɔ̃ ɛ̀, gblɔ̃ be: “Àpetɔ, Àpetɔ, mi le crɔ̃.” Yesù fɔ̃, eye e wo do àya kudo àsrɔ̀keawo, eye wo jè e mè, eye èɖaɖo.