Popular Bible Verses from Mariko 13

Share

Aba:nu bo:ne baribasoka kurwa risi:na ryani, nawe unu ari:gumirisya kukinga ku bute:ro, oyo niwe arikira.

Mukabukega, mutengejega, musabwega, okuba mutakumenya jisiku ijo jiribari.

Wora babagega okubasira mu ci:na, mute:ganaga jinu mura:ika. Nawe omusango gwone gunu murayabwaga mu mwanya ogwo, nigwo mura:ikaga, okuba mutari imwe banu omwaika, nawe ni Mwoyo Mweru.

Orwire na i:si biriwao, nawe emisango jani jitariwao.

Nawe ebyo rusiku urwo no mwanya ogwo atario unu amenyere, nakabee bari bamaraika ba mu rwire, nakabee ari Mwana, tari Rata era.

Mbe ariba mwonga oburemo ne cirumo co buremo, mwasiga kuwa mwoyo, okuba ni busibusi bibeo, nawe obute:ro bucari.

Nimutengeje okuba mutakumenya omwenemusi anu ari:jira, amwi ke:goro, amwi mu bwire agati, amwi mu ŋoko, amwi katondo. Ate:fura nakinga mu kacunako nabasanga muongee. Cinu enibabwira emwe, nico enibabwira bo:ne ati, Mutengeje.

Okuba riyanga rimwi riri:muka okurwana na riyanga erindi, no bukama bumwi buri:muka okurwana no bukama obundi. Biribao ebiyararo mu mbara nyafu. Iribao na injara. Ebyo nibwo obwambiro bwo busungu.

Rindi ni busibusi Ebigambo byo bwana bisimurwe mu maanga go:ne okwamba.

Ba:fu bari:ja mwisi:na ryani niba:ika ati, anye nanye Oyo, na ka bariyabya ba:fu.

Nawe mukabuke abe:ne, okuba baribasira mu ci:na. Muribumirwa mu mekofyanyisyo. Muri:mereguru imbere ya basiba na bakama kubwani, rube rusingiro ku be:ne.

Okuba bari:muka ba:nu bo rurimi banu abetoga Kristo, na baragi bo rurimi, nibakora ebibarikisyo ne birugu:ro, korereki bayabye na basorwa one, bikaba bitatami:sye.

Nawe mu siku ijo, inya:ko eyo ariba yawa, risu:ba ririjira ecisu:te, no kwesi kutariseka, na jinjota jiriba nijigwa okuso:ka mu rwire, na managa ga mu rwire garisingisibwa.