Popular Bible Verses from Mariko 14

Share

Na:ika ati, Abba Rata, awe outura byone. Nso:syako ecikombe cinu, nawe tari rwa kutyo anye enenda, nawe rwa kutyo awe owenda.

Mutengeje musabwe, korereki musige kwingira mu kusakwa. Omwoyo nigwo ogwenda, nawe omubiri gurengaae.

Ni cimari enibabwira ati, mu:si jo:ne enu, Ebigambo byo bwana bira:ikwaga, ne:co mugasi unu akora cira:ikwagako co kumwicuka.

Nababwira ati, Omwoyo gwani gurino butaka bwafu bwo kunyita. Mube anu mutengeje.

Anu bariga bacarya, nagega omukate, nasabwa, nagubeganya nabayana, na:ika ati, Mugege. Gunu nigwo mubiri gwani.

Nagega ecikombe one, nasi:ma, nabayana, nibanywako bo:ne. Nababwira ati, Ganu ni manyinga gani aga indagano inya:ya ganu agaurura kurwa ba:nu ba:fu.

Mbe Yesu nababwira ati, Omujo:sinirirwa bo:ne. Okuba jandikirwe ati, Ndibuma omure:fi, na ji:na:ma jirinyarambuka.

Mwimuke cigende. Rora unu kandomera iniku ajo:kukinga.

Yesu namubwira ati, Ni cimari enikubwira ati, Awe rero mu ngeta inu, iŋoko eijo:ba icari kurira kwiya kabiri, oujo:nyiga:na kwiya kasatu.