Popular Bible Verses from Kuyamba 49

Share

Mphsimbo yawumambo in'zachoka lini pana Judha, panango mphsimbo yakutonga kuchoka pakati paminyendo yake, kufikila wabwela ku Shilo, mishowo yentse yawanthu in'zamutetekela.

“Jozefi ali nin'thayi um'bala, n'thayi um'bala m'mbali mwakamadzi; mithayi yake intambalala padzulu pampanda. Anyamisewe adamufikila bzin'gopsa, adamulasa, achimushupa

koma utati wake udakhala wamphamvu, manja yake yadawa yakulimba, namanja ya Nyamphamvu wa Jakobho, nadzina lanyakabusa, mwala wa Izraeli, na Mulungu waapayi wako uyo an'zakuthandiza, na Mulungu Nyamphamvu zentse an'zakudalisa, namadaliso yan'choka kudzulu. Madaliso yam'boo, madaliso yamasuku nayamimba.

“Judha, abale wako an'zakudumbiza, janja lako lin'zawa pakhosi paazondi wako; wana waapayi wako an'zakukotamila. Judha nimwana wamphondolo, kuchoka pakudya nyama, mwanangu, wayenda. Adambwathama pantsi, adatsanda ninga mphondolo, ninga mphondolo ikazi; mbani angayese angamutokonye?

“Rubheni, ndiwe mwana wangu wakuyamba, mphamvu zangu, wakuyamba wamphamvu zangu, udapitiliza pakukuziwa, udapitilila pamphamvu. Wakusaya kukhazikika ninga madzi, un'zawa lini nkulu, pakuti udakwila pachalimba paapayi wako, nkupapsipisa, udakwila pachalimba pangu!