Kuyamba 49

Mafala ya Jakobho yakumalizila

1Jakobho adachemela wana wake wachimuna nkuti kwayiwo, “Kochezanani mwentse ndikuwuzeni bzin'zakuchitikilani muntsiku zim'bwela.”

2“Kochezanani mubve imwe wana wa Jakobho,

mubve kwaapayi wanu Izraeli.

3“Rubheni, ndiwe mwana wangu wakuyamba,

mphamvu zangu, wakuyamba wamphamvu zangu,

udapitiliza pakukuziwa, udapitilila pamphamvu.

4Wakusaya kukhazikika ninga madzi, un'zawa lini nkulu,

pakuti udakwila pachalimba paapayi wako,

nkupapsipisa, udakwila pachalimba pangu!

5“Simiyoni na Levi mpawubale bwawo;

bzida bzandewo nimabhemba yawo.

6Moyo wangu leka kupita mukupangana kwawo,

kulemekezewa kwangu ngakuleke kuphataniziwa nachipani chawo.

Pakuti muwukali wawo anipha wanthu,

nakufuna kwawo an'gwata mikangato yang'ombe.

7Ngawutembelelewe ukali wawo, pakuti un'gopsa;

nankwiyo wawo, pakuti niwadima!

Nin'zaapatula mwa Jakobho,

nin'zaabalalisa mudziko la Izraeli.”

8“Judha, abale wako an'zakudumbiza,

janja lako lin'zawa pakhosi paazondi wako;

wana waapayi wako an'zakukotamila.

9 # Kuw 24:9; Bzi 5:5 Judha nimwana wamphondolo,

kuchoka pakudya nyama, mwanangu, wayenda.

Adambwathama pantsi, adatsanda ninga mphondolo,

ninga mphondolo ikazi; mbani angayese angamutokonye?

10Mphsimbo yawumambo in'zachoka lini pana Judha,

panango mphsimbo yakutonga kuchoka pakati paminyendo yake,

kufikila wabwela ku Shilo,

mishowo yentse yawanthu in'zamutetekela.

11An'zamangilila dhonki lake pamuvayini,

mwana wadhonki lake pamuvayini wabwino.

Aniwasha bzakubvala bzake muvinyu,

nanguwo zake mugazi lamagilepisi.

12Maso yake yan'zafuyila navinyu,

mano yake yan'zachena nankaka.”

13“Zebhuluni an'zakhala mumphepete mwanyanja,

an'zakhala gombe lamabote,

malile yake yan'zawa ku Sidhoni.”

14“Isakari nidhonki lakulimba,

an'gona pakati pamathanga.

15Adawona kuti mbuto yakupumulila ikhali yabwino,

ikhakondwelesa.

Nakutenepo iye adakotamisa phewa kuti atakule,

iye adazakhala kapolo pakuphata basa lachibhalo.”

16“Dhani an'zatonga wanthu wake,

ninga ubodzi wamishowo ya Izraeli.

17Dhani an'zakhala nyoka m'mbali mwanjila,

nyoka ina ululu m'mbali mwanjila,

iyo iniluma bzithatha bzahachi,

bzakuti wakuyifambisa anigwa pantsi nangoto.

18Niniyimila chipulumuso chanu, imwe Chawuta.”

19“Gadhi an'zafikiliwa namagananga,

koma iye an'zaateyela achiwathamangisa.”

20“Chakudya cha Asheri chin'zakhala namafuta,

an'zakolola chakudya chawumambo.”

21“Nafitali nimphala in'thamanga idatsudzuka,

anilewa mafala yabwino.”

22“Jozefi ali nin'thayi um'bala,

n'thayi um'bala m'mbali mwakamadzi;

mithayi yake intambalala padzulu pampanda.

23Anyamisewe adamufikila bzin'gopsa,

adamulasa, achimushupa;

24koma utati wake udakhala wamphamvu,

manja yake yadawa yakulimba,

namanja ya Nyamphamvu wa Jakobho,

nadzina lanyakabusa, mwala wa Izraeli,

25na Mulungu waapayi wako uyo an'zakuthandiza,

na Mulungu Nyamphamvu zentse an'zakudalisa,

namadaliso yan'choka kudzulu.

Madaliso yam'boo,

madaliso yamasuku nayamimba.

26Madaliso yaapayi wako,

niyamphamvu kuposa madaliso yamapili yachikhalilo,

yamposa bzabwino bziniwoneka m'mapili yachikhalilo;

bzabwino bzamapili yansaya kumala;

ngabzikhale pansolo wa Jozefi,

pansolo pawuyo akhadapatukana naabale wake.”

27“Bhenjemani nimphupi in'cheneka,

machibese inidya nyama yayaphata,

mawulo in'gawa bzayaphata.”

28Iyi ndiyo mishowo khumi namiwili yaa Izraeli, ibzi ndibzo bzidalewedwa naapayi wawo kwayiwo paakhaadalisa, kudalisa munthu yekha-yekha namadaliso yaniyendelana nayiye.

Kufa nakuyikhiwa kwa Jakobho

29Pamwepo Jakobho adawuza wana wake kuti, “Nthawe yakufa kwangu yafika. Imwe mukandiyikhe kumanda kudayikhiwa makholo yangu, mumphako ili m'munda wa Efuloni mu Hiti, 30#Kuya 23:3–20mumphako ili m'munda pa Makipela, chakumabveladzuwa kwa Mamure mudziko la Kenani, idaguliwa na Abhurahamu pabodzi namunda wa Efuroni mu Hiti kukhala manda. 31#Kuya 25:9,10; Kuya 35:29Kumweko ndiko kudayikhiwa Abhurahamu nankazi wake Sara; pomwe kumweko ndiko kudayikhiwa Isaki nankazi wake Rabheka; pomwe kumweko ndiko kwandidayikha Liya, 32munda namphako bzili mwemo bzidaguliwa kwaa Hiti.” 33#Mab 7:15Jakobho paadamaliza kuwuza wana wake adagona pakuchalimba pake nkufa achikayikhiwa kwawanthu wakwake.

Currently Selected:

Kuyamba 49: KUNDA

Highlight

Copy

Compare