Popular Bible Verses from Joshuwa 1

Share

Ko sindakuwuza? Khala wamphamvu, limba ntima. Leka kugopsewa panango kushupika, pakuti Chawuta Mulungu wako ana iwe kwentse kwawuniyenda.

Bhukhu ili lamitemo ngalileke kuchoka pamulomo wako, ulikumbukile ntsiku zentse usiku namasikati, kuti uchenjelele kuchita bzentse bzidanembewa m'mwemo, ukatenepo un'zasumukila munjila zako zentse, pamwepo uninga watokwanisa.

Khala wamphamvu, limba ntima, uchenjelele kuteyeza mitemo yentse yamudawuziwa na Mozisi mulanda wangu, lekani kupatukila kujanja ladidi panango lanzele, kuti musumukile kwentse kwamuniyenda.

Palibe munthu an'zakwanisa kuyimisana nayiwe pantsiku zentse zawumoyo wako. Ninga bzandidachita kwa Mozisi nin'zachitambo kwayiwe, nin'zakulekelela lini panango kukusiya wekha.

Khala wamphamvu, limba ntima, pakuti ndiwe un'zachitisa kuti a Izraeli atole dziko landidalumbila kupasa azipayi wawo.

Mbuto yentse yamun'zaponda nanzayo zanu ndakupasani kuteyeza kutsimikiza kwandidachita kwamulanda wangu Mozisi.

Mulanda wangu Mozisi wafa, tsapano iwe sumuka pabodzi nawanthu wawunawo uyende kung'ambu kwa Jorodhani chakumadokelo, kudziko landili kupasa wana wa Izraeli.

Mozisi mulanda wa Chawuta paadafa, Chawuta adati kwa Joshuwa mwana wa Nuni, uyo akhatumikila Mozisi

Kuyambila kuchipululu kufika ku Lebhanoni, mpaka kukamadzi kakulu ka Ufuratesi, nadziko lentse laa Hiti kufika kunyanja ikulu, mpaka kun'nyulila dzuwa, lin'zakhala dziko lanu.

Wentse ampandukila mitemo yanu, nakuleka kutetekela mafala yamulomo wanu, nabzentse bzamuniwawuza ngaaphewe. Imwe limbani ntima, khalani wamphamvu.”

“Yendani nkati mwamisasa mukawuze wanthu kuti, ‘Kon'zekelani mbuwa zanu, pantsiku yachitatu kuyambila lelo munkayambuka Jorodhani, muchiyenda katola dziko lanthaka yanu lamudapasiwa na Chawuta Mulungu wanu.’ ”