Joshuwa 1
1
Mulungu aniwuza Joshuwa katola Kenani
1Mozisi mulanda wa Chawuta paadafa, Chawuta adati kwa Joshuwa mwana wa Nuni, uyo akhatumikila Mozisi, 2Mulanda wangu Mozisi wafa, tsapano iwe sumuka pabodzi nawanthu wawunawo uyende kung'ambu kwa Jorodhani chakumadokelo, kudziko landili kupasa wana wa Izraeli. 3#Kuts 11:24,25Mbuto yentse yamun'zaponda nanzayo zanu ndakupasani kuteyeza kutsimikiza kwandidachita kwamulanda wangu Mozisi. 4Kuyambila kuchipululu kufika ku Lebhanoni, mpaka kukamadzi kakulu ka Ufuratesi, nadziko lentse laa Hiti kufika kunyanja ikulu, mpaka kun'nyulila dzuwa, lin'zakhala dziko lanu. 5#Kuts 31:6,8; Ahe 13:5Palibe munthu an'zakwanisa kuyimisana nayiwe pantsiku zentse zawumoyo wako. Ninga bzandidachita kwa Mozisi nin'zachitambo kwayiwe, nin'zakulekelela lini panango kukusiya wekha. 6#Kuts 31:6,7,23Khala wamphamvu, limba ntima, pakuti ndiwe un'zachitisa kuti a Izraeli atole dziko landidalumbila kupasa azipayi wawo. 7Khala wamphamvu, limba ntima, uchenjelele kuteyeza mitemo yentse yamudawuziwa na Mozisi mulanda wangu, lekani kupatukila kujanja ladidi panango lanzele, kuti musumukile kwentse kwamuniyenda. 8Bhukhu ili lamitemo ngalileke kuchoka pamulomo wako, ulikumbukile ntsiku zentse usiku namasikati, kuti uchenjelele kuchita bzentse bzidanembewa m'mwemo, ukatenepo un'zasumukila munjila zako zentse, pamwepo uninga watokwanisa. 9Ko sindakuwuza? Khala wamphamvu, limba ntima. Leka kugopsewa panango kushupika, pakuti Chawuta Mulungu wako ana iwe kwentse kwawuniyenda.
Joshuwa aniwuza wanthu bzakuchita
10Amwepo Joshuwa adawuza manduna yawanthu wa Izraeli kuti, 11“Yendani nkati mwamisasa mukawuze wanthu kuti, ‘Kon'zekelani mbuwa zanu, pantsiku yachitatu kuyambila lelo munkayambuka Jorodhani, muchiyenda katola dziko lanthaka yanu lamudapasiwa na Chawuta Mulungu wanu.’ ”
12 #
Kuw 32:28–32; Kuts 3:18–20; Jos 22:1–6 Pamwepo Joshuwa adawuza wanthu wanshowo wa Rubheni nawa Gadhi nakati-nakati wanshowo wa Manase kuti, 13“Kumbukani mafala yamudawuziwa na Mozisi mulanda wa Chawuta yakuti, ‘Chawuta Mulungu wanu an'zakupasani pakukhala, an'zakupasani dziko ili.’ 14Azikazi wanu nawana wanu nabzifuwo bzanu bzin'zasala kung'ambu kwa Jorodhani chakumabveladzuwa kudziko lamudapasiwa na Mozisi. Koma wamphamvu wentse ali pakati panu, an'zatsogola adapklhata bzida adakonzekela nkhondo achitsogolela abale wanu, kuti aathandize, 15kufikila Chawuta wapasa abale wanu pakukhala bzaadachita kwayimwe. Iwo achikakhala mudziko laadapasiwa na Chawuta Mulungu wanu. Pamwepo imwe mun'zabwelela kudziko lanu, kudziko lachakumabveladzuwa kung'ambu kwa Jorodhani lamudapasiwa na Mozisi mulanda wa Chawuta.”
16Iwo adadayila kwa Joshuwa, “Bzentse bzamuntiwuza tin'chita, kwentse kwamuntituma tiniyenda. 17Ise tinkutetekelani bzatidachita kwa Mozisi, nakutenepo ise tinkutetekelani. Chawuta Mulungu wanu ngaakhale nayimwe bzaadachita kwa Mozisi! 18Wentse ampandukila mitemo yanu, nakuleka kutetekela mafala yamulomo wanu, nabzentse bzamuniwawuza ngaaphewe. Imwe limbani ntima, khalani wamphamvu.”
Currently Selected:
Joshuwa 1: KUNDA
Highlight
Copy
Compare
Share
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
