Popular Bible Verses from Wa̍lta̍ Wānāa̍ Chi̍i̍sūa̍a̍ 1

Share

Kɛ̍ ndu̍yɛ̍, tē Nyi̍na̍ Mɛ̄lɛ̄ka̍a̍ tōl nya̍ kɔ̄ɔ̄lī pɛ̍, lā chō kpāāyāa̍ sɔ̄lā le̍ se̍īle̍ŋ tɛ̄ndāa̍. Lā dīmūl ni̍ŋ wa᷅ŋnda̍ nyɛ̄ nya̍ sīnā a̍ ya̍ o̍kɔ̄ɔ̄ wo̍, Chūlu̍sɛ̄lɛ̄m chi̍e̍e̍ ni̍, a̍ lɛ̄ŋndē Chūdi̍a̍āle̍ŋ kpe̍de̍, a̍ lɛ̄ŋndē Sāme̍e̍līāāle̍ŋ, a̍ bā o̍ bā fe̍e̍ o̍ chi̍e̍ēŋndo̍ chōo̍.”

Mbo̍ mūlūl nda̍ āā, “Lā nɔ̍ mī lā sīna̍ te̍le̍ŋnda̍ la̍ŋ te̍ kɛ̄lɛ̄ŋgāā bōōndu̍ŋ mu᷅ŋ. Fi̍nyā nūu̍ ndu̍ pīlɛ̍ kpe̍ nɔ̍ kpāāyāa̍ le̍ ŋ̄ wāā le̍nde̍ kɛ̍ɛ̍sīāā ni̍.

Te̍le̍ŋ pi᷅lɛ̍ mɛ̄ɛ̍ o̍ wa̍ hɔ̄lāā tūlu̍ a̍ nda̍, mbo̍ dīmūl nda̍ ō kālā ka̍lā āā, “Lā fa̍ŋa᷄ŋ Chūlu̍sɛ̄lɛ̄m te̍. Lā chu᷄m lo̍ŋ le̍ nyɛ̄ Fi̍nyā nūu̍ dīmi̍ le̍ nya̍ kīo̍o̍ wo̍. I̍ di̍mu̍l nya̍ ni᷅ŋ a̍ ndu̍ o̍kɔ̄ɔ̄ māā Chɔ᷄ŋ ndu̍ pu̍lū wāŋnda̍ pūlɔ̄ɔ̍ Mɛ̄lɛ̄ka̍a̍ a̍ mɛ̄ŋnda̍ŋ, kɛ̍, māā o̍ pālɛ̍i̍ bi̍ŋgī bɛ̄ŋgu̍ lā chō yīŋɔ̄ɔ̍ sɔ̄lā a̍ Nyi̍nā Kāsīo̍o̍.”

Mɛ̄ɛ̍ Chi̍i̍sū bi̍ī mɔ̍nɛ̍i̍, mbo̍ wū. O̍ ko̍ŋ kɔ̍ɔ̍lī, mbo̍ chɔ̄mnu᷄ŋ pu̍a̍a̍ ha̍ā le̍ te̍le̍ŋnda̍ fa̍ŋgā le̍ pālɛ̍i̍ be̍le̍-hi̍ɔ̍ɔ̍lu̍. Mbo̍ chɔ̄m kpe̍nde̍ke̍le̍ māā ō mīīŋgu̍ yōōmū. Ndu̍yɛ̍, mbo̍ sūāā nāa̍ nda̍ chūā a̍ māsāle̍ Mɛ̄lɛ̄ka̍le̍ŋ o̍kɔ̄ɔ̄.

Mɛ̄ɛ̍ o̍ chi̍i̍ sūɛ̍i̍ he̍ī dīmī nāa̍ nda̍ chūā, mi̍ Mɛ̄lɛ̄ka̍ chūā ndu̍. Ā lo̍ ndu̍ nūa̍a̍, mi̍ yu̍mbu̍ yu̍mbo̍o̍ kūmbū ndu̍ kpu̍, ā chi̍ lɛ̍ ndu̍ le̍.

Ā lo̍ nūa̍a̍ chōo̍ cho̍o̍ le̍nde̍ chi̍kɛ̍ŋ ndu̍ a̍ mākɔ̄ɔ̄, lē pīlɛ̍ kpe̍ ma̍ chā pūa̍a̍ ā ŋīɔ̍ɔ̍ŋ īsīsi̍ nda̍ īkɛ̄i̍. Ā wa̍ ā dōvīa̍ŋ o̍ nyɛ̄lā hūmbūla̍ŋ ni᷄ŋ. Mi̍ pūa̍a̍ ha̍ā nyūnā nda̍ āā, “Nya̍ pūa̍a̍ fu̍la̍ Kāli̍lī wa̍, vɛ᷅ mi̍ lā wā īsīsi̍ na̍nu᷄ŋ mi̍ lā wā nūa̍a̍ nu̍a̍ā o̍ ha̍la̍? Chi̍i̍sū wo̍ ho̍ō, ō Mɛ̄lɛ̄ka̍ chu̍a̍ ho̍ō nya̍ tɛ̄ɛ̄ŋ mbo̍ kūā a̍ ndu̍ ɛ̄chɛ̍nɛ̄ wo̍, ō chō vɛ̄lɛ̄ hūnɔ̄ɔ̄ mɛ̄ɛ̍ nya̍ chē ndu̍ o̍ kɔ̄la̍ŋ ɛ̄chɛ̍nɛ̄ yɛ̍.”