Popular Bible Verses from Wa̍lta̍ Wānāa̍ Chi̍i̍sūa̍a̍ 2

Share

Mi̍ Pītɛ̍ lō lo̍ŋ mbo̍ mu̍lī āā, “Lā ma᷄l yɔ᷅ŋndā nyāla̍ wɔ̍ɔ̍ŋnda̍ŋ, mī lā pɛ̄l dīōla̍ Chi̍i̍sū Ki̍li̍tīla̍ŋ, mā yīŋ nya̍ mɛ̄ɛ̍ nya̍ chō fa̍ū, le̍ mī Mɛ̄lɛ̄ka̍ ma᷄l nya̍ le̍ yɔ̄ŋndā nyāla̍ wɔ̍ɔ̍ŋnda̍ŋ, ndu̍yɛ̍, mbō ke̍ nya̍ Nyi̍nā ndɔ̍ Kāsīo̍o̍.

O̍ ko̍ŋ kɔ̍ɔ̍lī, nyɛ̄m wānāā lāāla᷄ŋnda̍ ha̍ā hīōū lāchi̍ a̍ tōsāa̍ wo̍ŋ, mu̍ŋ cho̍ mu᷅ŋ ni̍, mi̍ wānāā Chi̍i̍sū ve᷅m hɔ̄ltē ndɔ̄ wa̍ pɛ̄ɛ̄kū nda̍. Ma̍ pīɔ̄ūvi̍āŋ nyɛ᷅m nda̍ nɔ̄ wo̍ŋ. Ma̍ hīāū lāchī a̍ nyɛ̄ dīa̍a̍ dīo̍o̍ lātūlu̍, a̍ Mɛ̄lɛ̄ka̍ pīɛ̄īyo̍ mɛ̄ɛ̍ ka̍ā ndāa̍ wa̍ yɛ̍.

Nda̍ kpo̍u̍ mi̍ Nyi̍nā Kāsīo̍o̍ tūāl nda̍ kɔ̄ɔ̄lī. Ma̍ kāndū sūɛ̍i̍ o̍ sɔ̄ɔ̍ŋ ma̍ŋgālāŋ chēle̍ŋndo̍ŋ ni᷄ŋ, mɛ̄ɛ̍ Nyi̍nā Kāsīo̍o̍ ō ke̍ nda̍ kpāāyāa̍ le̍ mu̍ŋ dīmīo̍o̍ yɛ̍.

Mɛ̄ɛ̍ nda̍ bɔ̄ɔ̄ŋi̍āŋ, ma̍ tūɛ̄ī bɔ̄ɔ̄lūū bɛ̄ndōo̍ o̍ lē pīlɛ̍ ni᷄ŋ kpe̍, chɔ̄nɔ᷄ŋndo̍ o̍ ha̍la̍a̍ ni᷄ŋ mɛ̄ɛ̍ hūēīyīī bɛ̄ndūe̍i̍ wā hɔ᷅ŋndo̍ nu̍a̍ā yɛ̍. Mi̍ bɔ̄ɔ̄lūū bɛ̄ndū kōŋ tīū si̍lɔ̍ nāa̍ nda̍ wa̍ īchāli̍ chi̍ɛ̍ī ni̍ŋ nda̍. Ma̍ chā nyɔ̄ɔ̍ŋ māā dīɔ̄ɔ̄mūīī lēyīŋ pīɔ̄ūvi̍āŋndo̍ mi̍ ŋ̄ chāl nda̍ chōo̍ a̍ pi̍lɛ̍ŋ pi̍lɛ̍ŋ nda̍ kpe̍de̍. Nda̍ kpo̍u̍ mi̍ Nyi̍nā Kāsīo̍o̍ tūāl nda̍ kɔ̄ɔ̄lī. Ma̍ kāndū sūɛ̍i̍ o̍ sɔ̄ɔ̍ŋ ma̍ŋgālāŋ chēle̍ŋndo̍ŋ ni᷄ŋ, mɛ̄ɛ̍ Nyi̍nā Kāsīo̍o̍ ō ke̍ nda̍ kpāāyāa̍ le̍ mu̍ŋ dīmīo̍o̍ yɛ̍.

Lēpāla̍ o̍ lēpāla̍ chūūŋgi̍āŋndo̍ o̍ chīɛ̍i̍ Mɛ̄lɛ̄ka̍a̍ ni᷄ŋ na̍a̍ pi᷅lɛ̍. Mā hīāū la̍chi̍ a̍ nyɛ̄ dīa̍a̍ dīo̍o̍ lātūlu̍ o̍ chīɛ̄īlā ndāla̍ yɛ̍ yɛ̍la̍ŋ ni᷄ŋ. Mā kēna᷅ŋ nyɛ̍ ndā di̍a̍a̍ a̍ kɔ̄ltā kɛ̄ndɛ̄, a̍ kɔ̄ltā kūmbīa̍ŋnda̍ŋ. Ā wa̍ Mɛ̄lɛ̄ka̍ sāŋgālāa̍ lɔ̍ɔ̍ lɔ̍ɔ̍. Wāŋnda̍ kpe̍de̍ nda̍ a̍a̍ nɔ̍ bɛ̄ɛ̄le̍ŋ le̍ wānāā lāāla᷄ŋnda̍. Lēpāa̍ o̍ lēpāa̍, Māsānɔ̄ɔ̍ Mɛ̄lɛ̄ka̍ ndu̍ o̍o̍ chɔ̍ɔ̍lū wa̍nāā Mɛ̄lɛ̄ka̍ pīŋi̍ wa̍ o̍ ku̍ndā wānāā lāāla᷄ŋnda̍ chōo̍.

Mɛ̄lɛ̄ka̍ dīmi̍ āā, nyɛ̄ ya̍ Mɛ̍lɛ̄ka̍ chō tōsā o̍ pālɛ̍i̍ mɛ̍ɛ̍lɛ̄ī chōo̍ wo̍, ndu̍ cho̍ ho̍ō ni̍. I̍ cho̍ Nyi̍nā nūu̍ yɔ̄ŋ wāŋnda̍ kpe̍de̍ kɔ̍ɔ̍lī. Pūa̍a̍ nyāa̍, a̍ chūāūwāā nyāā la̍a̍ndūa̍a̍, ā chō yōōŋgu̍ Mɛ̄lɛ̄ka̍a̍ dīmī nāa̍ wāŋnda̍ chūā. Chūāā nyāā pi̍a̍a̍ndūa̍a̍ chō yōōŋgu̍ Mɛ̄lɛ̄ka̍a̍ sɔ̄lā o̍ yi̍lāŋnda̍ŋ ni᷄ŋ, mī wānāā nyāā yu̍vɛ̍i̍ya̍ sɔ̄la̍ yōōŋgu̍ Mɛ̄lɛ̄ka̍a̍ o̍ lɔ̄mā sɔ̄la᷄ŋ ni᷄ŋ.

Mi̍ wānāā lāāla᷄ŋnda̍ kpo̍u̍ a̍ hi̍a̍ū lāchī a̍ chūūŋgi̍āŋ le̍ndi̍a̍a̍mɔ̍ɔ̍ nāa̍ pi᷅lɛ̍, a̍ nyɛ̄m nda᷄ŋ pīɔ̄ūvi̍āŋndo̍. O̍ pi̍sī ko̍ nyɛ᷅m ndɔ̄ɔ̍ŋ, ā pīɔ̄ūvi̍āŋ ka̍ni̍ŋ mu̍ŋ nda̍ kpe̍de̍. Mɛ̄ɛ̍ wāŋndo̍ nɔ̄ ba̍ ha̍vɛ̍i̍yo̍ yɛ̍, le̍nde̍ ndu̍ o̍o̍ sɔ̍lā ni̍.

Ndu̍yɛ̍, ī chō yɔ̄nɔ᷄ŋ māā wānā o̍ wāna̍ pi̍ɛ̍i̍ Māsānɔ̄ɔ̍ Mɛ̄lɛ̄ka̍ le̍ ndu̍ mālāa̍ pɛ̍, Mɛ̄lɛ̄ka̍ chō ndu̍ pīŋī.”

Pāa̍le̍ŋ lē pɛ̄ŋgī ni̍ŋ fūlāa̍, mī pāŋge̍i̍ sīmnu᷄ŋ i̍ si̍a̍ŋā māā mākōo̍. Mu̍ŋ cho̍ yɔ̄nɔ᷄ŋ ni̍, lɔ̍ɔ̍ pa̍ pāa̍le̍ bɛ̍ndūlē Māsānɔ̄ɔ̍ Mɛ̄lɛ̄ka̍ chō nyɛ̄ tōsā le̍ŋ lē fūūlūū.