Popular Bible Verses from Wa̍lta̍ Wānāa̍ Chi̍i̍sūa̍a̍ 13

Share

Mɛ̄ɛ̍ wānāā lāāla᷄ŋnda̍ ā wa̍ Māsānɔ̄ɔ̍ Mɛ̄lɛ̄ka̍ pīɛ̄īyo̍ a̍ su᷅mndo̍ bīyɔ̄ɔ̍, mi̍ Nyi̍na̍ Kāsi̍ Mɛ̄lɛ̄ka̍a̍ dīmūl nda̍ āā, “Lā chu̍a̍ Ba̍a̍na̍bāā nda̍ Sɔ̍ɔ̄ le̍ wa̍li̍ ya̍ I̍ hɛ̍li̍ nda̍ wo̍.” O̍ ko̍ŋ kɔ̍ɔ̍lī, mɛ̄ɛ̍ nda̍ bīī su᷅mndo̍, ma̍ pīɛ̄ī Mɛ̄lɛ̄ka̍. Ma̍ hāndū Ba̍a̍na̍bāā nda̍ Sɔ̍ɔ̄ bāla̍ŋ chōo̍. Ma̍ dūāū nda̍ sa̍lā. Ma̍ vīām nda̍.

Le̍la̍ŋ, chāāŋāā nīa̍a̍, I̍ hɛ̍na̍ŋ mī lā sīna̍ pɛ̄ŋgu̍ māā nyɛ̄ Chi̍i̍sū to̍sa̍ wo̍, ndu̍ to̍sa̍ ni̍ mi̍ ŋ̄ wā nya̍ yōōŋgōo̍ ho̍ō chɔ̄mndo̍ māā Mɛ̄lɛ̄ka̍ ma᷄l nya̍ le̍ yɔ̄ŋndā nyāla̍ wɔ̍ɔ̍ŋnda̍ŋ. Lā sīna̍ pɛ̍ŋgu̍ māā wānā o̍ wāna̍ la̍a̍la̍ŋ a̍ ndu̍ pɛ̍, ō bāŋa̍ ndu̍ o̍ yɔ̄ŋndā ndɔ̄la̍ wɔ̍ɔ̍ŋnda̍ŋ ni᷄ŋ kpo̍u̍. Kɛ̍, sāwāla̍ Mɛ̄lɛ̄ka̍ ke̍ Mūu̍sē le̍ na̍a̍ la̍ŋ lā nɔ̍lā mī lā bāŋa̍ wānā le̍.

Kāni̍, nyɛ̄ Māsānɔ̄ɔ̍ Mɛ̄lɛ̄ka̍ vēm na̍a̍ le̍ tōsāa̍ wo̍, ndu̍ cho̍ ho̍ō ni̍. Mi̍ Māsānɔ̄ɔ̍ dīmī māā, mɛ̄ɛ̍ nyɛ̄ wa̍wo̍ŋndo̍ dīāndū nu̍a̍ā o̍ nyūmnda̍ŋ ni᷄ŋ yɛ̍, le̍nde̍ ya̍ I̍ si̍i̍ŋgu̍u̍ nya̍ nyɛ̄ wa̍wo̍ŋndo̍ le̍ wānāa̍ cho̍ a̍ Chu̍ū le̍ wa̍ ni̍, le̍ mī lā hīŋ a̍ pīōŋɔ̄ɔ̍ le̍ chi̍e̍ēŋndo̍ kpo̍u̍.”