Popular Bible Verses from Lu̍o̍ma᷅ŋnda̍ 2

Share

Chāa̍ŋ nūu̍, sɔ̄ɔ̍ŋ wāŋndo̍ tōsa̍ ma̍ kīlūl ndu̍ yāmɛ̍i̍ le̍ mu̍ŋ ndo̍ŋ, tē ō wa̍ pɛ̍ mī nūm pi̍la̍ bɛ̍ɛ̍ mā mu̍li̍ŋ mu̍ŋ vɛ̄lɛ̄ tōsāa̍, mɛ̄ɛ̍ nūm bɛ̍ɛ̍ a̍ he̍lūŋ kpo̍so̍ŋ te̍. Nūm bɛ̍ɛ̍ kīlūllo̍ Mɛ̄lɛ̄ka̍ kīlūl nu̍m yāmɛ̍i̍ ni̍. Le̍ mɛ̄ɛ̍ Mɛ̄lɛ̄ka̍ chō wāna̍ īkɛ̄ndɛ̄ bɛ̄ndū, ndu̍yɛ̍ mbō kɛ̄sī kɔ᷅l ndɔ̄ɔ̍, ndu̍yɛ̍ mbō bīūnūŋ nya̍ yɛ̍, mɛ̄ɛ̍ mu̍ŋ nya̍ chu̍a̍ ni̍ māā sɔ̄ɔ̍ŋ fo̍ndo̍? Lā sīna̍ pɛ̍ŋgu̍ māā le̍ sa̍bū Mɛ̄lɛ̄ka̍ tōsāl na̍a̍ kɛ̄ndɛ̄i̍ yo̍ cho̍ ni̍ māā le̍ mī ŋ̄ ma᷄l yɔ̄ŋndā wɔ̄ɔ̍ŋnda̍ŋ.

Le̍la̍ŋ chāa̍ŋ nūu̍, nūm o̍ nu᷄m ki̍lu̍l chāa̍ŋ nu᷄m yāmɛ̍i̍ pɛ̍, mɛ̄ɛ̍ nūm bɛ̍ɛ̍ a̍ he̍lūŋ o̍ sūɛ̍i̍ ka̍lɛ̄i̍ ni᷄ŋ kpo̍so̍ŋ te̍. Kāni̍ fo̍ndōle̍, tē a̍ ki̍lu̍l wāŋndo̍ yāmɛ̍i̍ le̍ sūɛ̍i̍ wɔ̍ɔ̍ŋ o̍ cho̍ tōsāa̍ ve̍ pɛ̍, kɛ̍ ndu̍yɛ̍ nūm bɛ̍ɛ̍ mā tōsā su̍ɛ̍i̍ wa̍ā le̍nde̍i̍ pɛ̍, mɛ̄ɛ̍ nūm pi̍la̍ chi̍i̍ yāmɛ̍i̍ kīlūlɔ᷄ŋ.

Kāni̍ fo̍ndōle̍, Mɛ̄lɛ̄ka̍ ndu̍ ndu̍ bīyɔ̄ɔ̄ pīlɔ̍ɔ̍ kpe̍ o̍ bi̍ī wa᷅ŋndā chīe̍e̍ya̍ fa̍ū ni̍.

Kāni̍ fo̍ndōle̍, ō cho̍ le̍ nīla̍ŋ yāŋɔ̄ɔ̍ mī wāŋndo̍ tūēī nyɛ̄ sāwāla̍ŋ lā dīmi̍ wo̍ le̍ Mɛ̄lɛ̄ka̍ tōsā mbō sīmnu᷄ŋ wa̍nā sa̍kpō Mɛ̄lɛ̄ka̍ o̍ hɔ̄l te̍. Tē wāŋndo̍ tōsa̍ nyɛ̄ la̍ di̍mi̍ wo̍ pɛ̍, o̍ ko̍ŋ Mɛ̄lɛ̄ka̍ tōsā ni̍ mbō sīmnu᷄ŋ wa̍nā sa̍kpō Mɛ̄lɛ̄ka̍ o̍ hɔ̄l.

Kāni̍ fu̍u̍le̍, wānā o̍ wānā, mɛ̄ɛ̍ kūɛ̍i̍la̍ ndɔ̄la̍ŋ lā wā yɛ̍, le̍nde̍ Mɛ̄lɛ̄ka̍ pāāwā ni̍ŋ ndu̍ ni̍.

Kɛ̍ ndu̍yɛ̍, wānāa̍ ki̍ndī ha̍ā le̍ nda̍ pi̍la̍ dɛ̍nɛ̍ ndā kɛ̍ndɔ̄ɔ̍ su̍e̍e̍ wa̍, ndu̍yɛ̍ su̍ɛ̍i̍ cho̍ sa̍kpō le̍ tōsāa̍ ve̍ mā kɛ̄ɛ̄ ndi̍ tōsāa̍ mā tūāl sɔ̍ɔ̍ŋ wɔ̍ɔ̍ŋndo̍ŋ kɔ̄ɔ̄lī wa̍, wānāā kāŋ Mɛ̄lɛ̄ka̍ chō tu̍mbe̍ dɔ̍u̍nɔ᷄ŋ a̍ nda̍ mbō tūsi̍ nda̍ nyɛ̄ pālāa̍ chōo̍.

Kɛ̍ lā nɔ̄ bɔ̄ɔ̍ bo̍llē kālāle̍ŋ. Lā cho̍ wa̍nāā tūɛ̄īyāā īsɔ̄ɔ̍ le̍. Le̍ he̍ī, tu̍mbe̍ Mɛ̄lɛ̄ka̍ dōōnūŋ ni̍ŋ ŋ̄wāŋndā chīe̍e̍ mbō tūsi̍ nda̍ nyɛ̄ pālāa̍ chōo̍ wo̍, tu̍mbe̍ ko̍ŋ nya̍ pi̍la̍ chō chūūŋgi̍āŋndo̍ chōo̍ ni̍. Mɛ̄lɛ̄ka̍ o̍ ki̍a̍lū ya᷅mɛ̍i̍ o̍ nɛ̄ī sa̍kpō wo̍, tē pāa̍le̍ o̍ ki̍lūl ni̍ŋ chi̍e̍ēŋndo̍ yāmɛ̍i̍ le̍ŋ lē fūūlu̍u̍ pɛ̍, ō chō nya̍ nyɛ̄ pālāa̍ tūsī chōo̍ ta̍u̍ ta̍u̍.