Popular Bible Verses from Lu̍o̍ma᷅ŋnda̍ 3

Share

Kāni̍ fo̍ndōle̍, ŋ̄wāŋndā chīe̍e̍ kpo̍u̍ ā tōsa̍ yɔ̄ŋ wɔ̄ɔ̍ŋndo̍. Ā bīī ma̍ fāŋa᷄ŋ o̍ nāŋɔ̄ɔ̍ Mɛ̄lɛ̄ka̍a̍ ni᷄ŋ ō ndu̍ o̍o̍ hɛ̍na̍ŋ nda̍ mā wa̍ lēni᷄ŋ ndo̍. Kɛ̍ ndu̍yɛ̍ Mɛ̄lɛ̄ka̍ chɔ᷄m nɛ̄i̍ o̍ si̍i̍ŋgūū ŋ̄wāŋndā chīe̍e̍ wa̍nāā sa̍kpō ndu̍ pi̍la̍ o̍ hɔ̄l lo̍. Nyɛ̄ o̍ nyɛ̄ bɛ̍ɛ̍ ā yɔ̄ŋgu̍ le̍ ndu̍ le̍. Īkɛ̄ndɛ̄ ko̍ni̍ o̍ to̍sa̍l nda̍ ni̍. Ndu̍yɛ̍ ō tōsa̍ mātōsāā he̍ī sa̍na̍a̍ a̍ bāŋā Chi̍i̍sū Ki̍li̍tī ba̍ŋa̍ nda̍ wo̍.

nɛ̄i̍ Mɛ̄lɛ̄ka̍ chɔ᷄m ho̍ō le̍ ŋ̄wāŋndā chīe̍e̍ si̍i̍ŋgūūwo̍ wānāā sa̍kpō ndu̍ pi̍la̍ o̍ hɔ̄l lo̍, ndu̍ yɔ̍nūŋ ni̍ māā tīīnda᷄ŋndo̍ dɔ̄wɔ̄ɔ̍ o̍ Chi̍i̍sū Ki̍li̍tī ni̍ŋ. Mɛ̄lɛ̄ka̍ ō tōsa̍ he̍ī le̍ wānā o̍ wāna̍ la̍a̍lāŋ a̍ Ki̍li̍tī. Yɛ̍ yɛ̍ bɛ̍ɛ̍ cho̍ wa᷅ŋndā chīe̍e̍ya̍ tɛ̄ɛ̄ŋ te̍.

Mi̍ Mɛ̄lɛ̄ka̍ yɔ̄ŋgū Chi̍i̍sū Ki̍li̍tī māā sa̍lā le̍ mā dīī ndu̍ le̍ yɔ̄ŋndā wɔ̄ɔ̍ŋnda̍ wāŋndā chīe̍e̍ya̍. Māā tē ā dɔ̄ū tīīnda᷄ŋ ndāa̍ o̍ ndu̍ ni̍ŋ pɛ̍, Mɛ̄lɛ̄ka̍ ma᷄l nda̍ le̍ yɔ̄ŋndā ndāla̍ wɔ̍ɔ̍ŋnda̍ŋ. Mɛ̄lɛ̄ka̍ tōsa̍ he̍ī le̍ wāŋnda̍ chɔ̄mndo̍ māā o̍ nɛ̄ī sa̍kpō o̍ to̍sā su̍ɛ̍i̍ ni̍. O̍ pāāndōo̍ ni᷄ŋ mi̍ Mɛ̄lɛ̄ka̍ bīūnu̍ŋ wa᷅ŋndā chīe̍e̍ya̍. Mbo̍ fāŋā hɔ̄lla̍ o̍ yɔ̄ŋndā wɔ̄ɔ̍ŋndā nda̍ wa̍ tōsāa̍ la̍ŋ. Kɛ̍ pɛ̄ŋgo̍o̍ ho̍ō ni᷅ŋ, Mɛ̄lɛ̄ka̍ bīī mbo̍ tōsā īsɔ̄ɔ̍ a̍ yɔ̄ŋndā wɔ̄ɔ̍ŋndā wāŋndā chīe̍e̍ya̍ o̍kɔ̄ɔ̄, le̍ chɔ̄mndo̍ māā o̍ nɛ̄ī sa̍kpō o̍ to̍sā su̍ɛ̍i̍ ni̍. Ō tōsa̍ mātōsāā he̍ī le̍ chɔ̄mndo̍ māā ō chō sa̍kpō, ndu̍yɛ̍ vɛ̄lɛ̄ mā sīna̍ māā ndu̍ si̍i̍ŋgūū wa̍nāa̍ du̍a̍ū ti̍i̍nda᷄ŋndo̍ o̍ Chi̍i̍sū ni̍ŋ nda̍, wānāā sa̍kpō ndu̍ pi̍la̍ o̍ hɔ̄l ni̍.

Kāni̍ fo̍ndōle̍, wānā o̍ wānā nɔ̍lā mbō sīmnu᷄ŋ wa̍nā sa̍kpō Mɛ̄lɛ̄ka̍ o̍ hɔ̄l o̍ nyɛ̄ sāwāla̍ŋ nda᷅ŋ lā dīmi̍ wo̍ tōsāa̍ ni᷄ŋ te̍. Sāwāla̍ŋ nda᷅ŋ lā tōsā ma̍to̍sāā mī ŋ̄wāŋndā chīe̍e̍ a̍ sɔ̍la̍ sīnā pɛ̄ŋgo̍o̍ a̍ nyɛ̍ cho̍ yɔ̄ŋ wɔ̄ɔ̍ŋndo̍ wo̍ o̍kɔ̄ɔ̄.

Ī chō ī pōōnyīāā le̍nde̍ o̍ Yāu̍ Mɛ̄lɛ̄ka̍a̍ ni᷄ŋ āā, “Wānā pi᷅lɛ̍ bɛ̍ɛ̍ cho̍ mbō wa̍ sa̍kpō Mɛ̄lɛ̄ka̍ o̍ hɔ̄l te̍. Wānā wa̍ā le̍ndo̍o̍ ō pīlɛ̍ bɛ̍ɛ̍ cho̍ le̍. Wānā o̍ wānā cho̍ mbō nɔ̄ sīnā pɛ̄ŋgo̍o̍ a̍ nɛ̄ī sa̍kpōo̍ o̍kɔ̄ɔ̄ le̍. Wāŋndo̍ ō pīlɛ̍ bɛ̍ɛ̍ cho̍ mbō nɔ̄ kɔ̄l lānda᷄ŋndo̍ le̍ wāa̍ lātūlu̍ a̍ Mɛ̄lɛ̄ka̍ le̍. Ŋ̄wāŋndā chīe̍e̍ kpo̍u̍ ā ma᷄l nɛ̄i̍ Mɛ̄lɛ̄ka̍a̍. Nda̍ kpo̍u̍ ā sīmnu᷄ŋ wa̍nāā fo̍ndō, tɔ̄nɔ̄ o̍ tɔ̄nɔ̄ bɛ̍ɛ̍ cho̍ o̍ nda̍ ni̍ŋ te̍. Ō pīlɛ̍ bɛ̍ɛ̍ cho̍ mbō tōsa̍ sūɛ̍i̍ kɛ̍ndɛ̄ le̍, wānā pi᷅lɛ̍ bɛ̍ɛ̍.

Ŋ̄ sīnā māā o̍ tīīnda᷄ŋndo̍ nɔ̄ɔ̍ ni᷄ŋ Mɛ̄lɛ̄ka̍ sīīŋgūū wa᷅ŋndo̍ wānā sa̍kpō ndu̍ pi̍la̍ o̍ hɔ̄l ni̍, ō cho̍ le̍ mɛ̄ɛ̍ o̍ to̍sā nyɛ᷅ sāwāla̍ŋ lā dīmi̍ wo̍ yɛ̍ le̍.

Pe̍sī bɛ̍ɛ̍. Ndu̍yɛ̍ mi̍ chē bɛ̍ɛ̍ mi̍ ŋ̄wāŋndā chīe̍e̍ kpo̍u̍ a̍ wa᷅ wānāā lāchōōwā, ndu̍yɛ̍ ā lo᷅ o̍ lēdīōm te̍ ni̍, kɛ̍ ndu̍yɛ̍ Mɛ̄lɛ̄ka̍ ndu̍ tōnya̍a̍ o̍ di̍mī ni̍, ndu̍yɛ̍ lōo̍ o̍ lo᷅ o̍ dīōm ndɔ̄ɔ̍ chōo̍ ni̍. Dīōmnda̍ŋ lā chō lā pōōnyīāā o̍ Yāu̍ Mɛ̄lɛ̄ka̍a̍ ni᷄ŋ āā, “Tē ā sōō pɛ̍, wāŋnda̍ kpo̍u̍ chɔ̄ɔ̍ nda̍ chā ni̍ māā tōnya̍a̍ ŋ̄ dīmi̍ ni̍. Ndu̍yɛ̍ le̍ pɛ̄ŋgu̍ o̍ pɛ̄ŋgu̍ tē lā kɔ̄ɔ̄sa̍ nya̍ wānāa̍ cho̍ nu̍m kɔ̄ɔ̄lī a̍ sūɛ̍i̍ ya̍ pɛ̍, di̍o̍o̍ ŋ̄ sɔ̄lā nda̍ ni̍.”