Popular Bible Verses from GÉNESIS 45

Share

Kunanqa ama chaymanta llakikuychejchu, amataj qankunapura phiñanakuychejchu noqata vendewasqaykichejmanta. Noqataqa Dios kachamuwan qankunaj ñaupaqeykichejta, ashkha runasta kausachinaypaj.

Ajinaqa Dios kay llajtaman kachamuwan, mana qankunachu; Pay churawan faraonman yuyaychanaypaj, wasimpi tukuy imanmanta patronta, tukuynin Egiptota kamachinaypaj.

Chaypajtaj Dios noqata kachamuwan qankuna ama tukukunaykichejpaj kay jallp'a patapi, mirayniykichej ama tukukunampaj, jinamanta qankuna uj t'ukunata salvakunaykichejpaj.

Josetaj ujtawan paykunaman nillarqataj: Ama mancharikuspa qayllamuwaychej. Paykuna qayllaykojtinkutaj nerqa: Noqa kani José qankunaj wauqeykichej, pitachus qankuna Egiptoman venderqankichej, chay.

Iskay wataña kay yarqhay kasqanqa, kaymanta phishqa wataswanraj kanan tiyan, chaypi manapuni ima cosechapis kanqachu, nitaj tarpusqapis poqonqachu.

Joseqa wauqesninman nerqa: Noqa José kani. Tatayqa kausakushanrajchu?, nispa. Wauqesnintaj mana imatapis kutichiyta aterqankuchu, imaraykuchus may mancharisqas mana imanakuyta aterqankuchu ñaupaqempi tukuyninku rikhurispa.