Popular Bible Verses from SAN JUAN 6

Share

Jesustaj paykunaman nerqa: Noqa kausay t'anta kani; noqaman jamojqa mana jayk'ajpis yarqhachikonqachu; noqapi creejtaj, ni jayk'aj ch'akichikonqachu.

Espiritoqa kausachin, aychaqa mana imapaj walejchu. Noqa parlaykichej chay palabrasneyqa espiritumin, kausaytaj.

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

Jesustaj paykunaman kuticherqa: Kaymin Diospa ruwaynenqa; kachamusqan Churimpi creenaykichej.

Diospa tukuy qowasqan noqaman jamonqa; noqaman jamojtarí, mana qharqosajchu.

Simón Pedrotaj kutichispa nerqa: Pimantaj riykumanri? Qampallata tiyapusunki wiñay kausay palabra.

Noqa janaj pachamanta uraykamoj t'antaqa kani. Pillapis kay t'antamanta mikhojqa, wiñaypaj kausanqa. Noqa qosaj chay t'antaqa aychay; chayta qoni mundo kausanampaj.

Mana pipis noqaman jamunmanchu, manachus kachamuwaj Tatay pusamunman chayqa, noqataj qhepa p'unchaypi payta kausarichisaj.

Janaj pachamanta Diospa t'antan uraykamojqa, mundoman kausayta qon.

Noqa kausay t'anta kani.

Jesustaj chay t'antasta jap'ispa, Diosman graciasta qorqa. Chantá, yachachisqasninman t'antasta jaywarqa. Paykunataj runasman rak'irarqanku, jinallatataj challwastapis munasqankuman jina. Sajsakojtinku taj, yachachisqasninman Jesús nerqa: Puchoj t'antasta oqharipuychej, ama usunampaj.

Uj legua kurajta jina botepi risqankumantaña, Jesusta rikorqanku yaku patanta boteman qayllaykamushajta, mancharikorqankutaj. Jesús paykunaman nerqa: Noqa kani, ama manchariychejchu.