Popular Bible Verses from SAN LUCAS 13

Share

K'ullku punkunejta yaykunaykichejpaj kallpakuychej; imaraykuchus ashkhas munanqanku yaykuyta, manataj atenqankuchu.

Chaypitaj uj warmi kasharqa. Payqa k'umullamantaña purej. Nitaj imaynamanta cheqanyakuyta atejchu, chunka pusajniyoj watataña sajra espíritu onqochisqanrayku. Rikuytawantaj Jesusqa wajyaspa nerqa: Warmi, onqoyniykimanta kacharisqaña kanki.

Makisninta patanman churaykorqa; kikimpachataj warmeqa cheqanyakuspa Diosta yupaycharqa.

Qhawaychej, qhepapi kajkuna ñaupajpi rikhurenqanku; ñaupajpi kajkunataj qhepapi.

Wasiyoj jatarikuspa punkuta wisq'ajtinña, qankunaqa jawapi rikhurispa punkuta takankichej: Señor, kichaririwayku!, nispa. Kutichispataj nisonqachej: Mana rejsiykichejchu maymantachus kasqaykichejta.

Nillaykichejtaj mana jinachu kasqanta; manachus Diosman kutirinkichej chayqa, ajinallatataj qankunapis tukukunkichej.

Chantá nillasonqachejtaj: Mana yachanichu maymantachus kasqaykichejta. Riychej kaymanta tukuy sajrata ruwajkuna.

Jesustaj nerqa: Imamantaj rijch'akun Diospa reinonri, imamantaj rijch'achiymanri? Rijch'akun ari uj mostaza mujuman, mayqentachus uj runa jallp'ampi tarporqa chayman, wiñarqataj sach'ayanankama; p'isqospis thansasnimpi thapachakorqanku.