Ukampis Tatitux saskakïnwa:
—Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta. Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.